सद्भाव र भाइचारा सुदृढ बनाउन क्रिसमसले प्रेरणा दिनेछ: मुख्यमन्त्री कार्की

Share this
676shares
मुलुकी खबर
मुलुकी खबर
clock२०८२ पुस १०, बिहीबार १०:५७

विराटनगर । कोशी प्रदेशका मुख्यमन्त्री हिक्मत कुमार कार्कीले इसाई धर्मावलम्बीहरूको पर्व क्रिसमसको अवसरमा स्वदेश तथा विदेशमा रहेका सम्पूर्ण नेपाली नागरिकलाई हार्दिक शुभकामना व्यक्त गरेका छन् ।

क्रिसमसको अवसरमा बिहीबार शुभकामना सन्देश जारी गर्दै मुख्यमन्त्री कार्कीले प्रेम, शान्ति, करुणा र मानव कल्याणको सन्देश बोकेको यो पर्वले समाजमा आपसी सद्भाव, सहिष्णुता र भाइचारा अझ सुदृढ बनाउने विश्वास व्यक्त गरेका छन् ।

इसाई धर्मगुरु येशु ख्रिष्टले देखाएको प्रेम, त्याग र क्षमाको मार्ग आजको समाजका लागि प्रेरणादायी रहेको मुख्यमन्त्रीले उल्लेख गरेका छन् । उनले मानव जातिबीचको एकता र सेवाभाव नै यो पर्वको मुख्य सन्देश रहेको बताएका छन् । नेपाल बहुजातीय, बहुभाषिक र बहुसांस्कृतिक मुलुक भएको उल्लेख गर्दै मुख्यमन्त्री कार्कीले सबै धर्म, संस्कृति, परम्परा, रीतिरिवाज र चाडपर्वको सम्मान, संरक्षण र प्रवर्द्धन गर्नु प्रदेश सरकारको दायित्व रहेको प्रष्ट पारे ।

विविधतायुक्त पहिचान बोकेको कोशी प्रदेशमा सबै समुदायबीच आपसी सम्मान, समझदारी र एकताको भावना अझ प्रगाढ हुँदै प्रदेशको विकास र समृद्धिमा सहयोग पुग्ने विश्वास समेत उनले व्यक्त गरेका छन् । मुख्यमन्त्री कार्कीले ‘समृद्ध नेपाल, सुखी नेपाली’ बनाउने राष्ट्रिय लक्ष्य प्राप्तिमा क्रिसमस पर्वले थप प्रेरणा दिने अपेक्षा गरिएको उल्लेख गरेका छन् ।

तपाइको प्रतिक्रिया
मंसिर ९ गतेदेखि आत्मानन्द गोल्डकप, ८ टिमको सहभागिता
इलामको टोड्केमा वार्षिक एक करोड २० लाखको टमाटर उत्पादन
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
© 2024 Muluki Khabar. All Rights Reserved. Design & Develop By: Indesign Media Pvt. Ltd.