
काठमाडौँ । गृह मन्त्रालयले शुक्रबार एकैपटक १२ जिल्लाका प्रमुख जिल्ला अधिकारी (सीडिओ) हरूको सरुवा र पदस्थापन गरेको छ । मन्त्रालयले सार्वजनिक गरेको पछिल्लो सूचना अनुसार जिल्ला प्रशासनका साथै कारागार व्यवस्थापन विभागको महानिर्देशक समेत हेरफेर गरिएको छ ।
मन्त्रालयको निर्णय अनुसार कारागार व्यवस्थापन विभागको महानिर्देशकको जिम्मेवारी शशीधर घिमिरेलाई दिइएको छ । त्यसैगरी भोजपुरको सिडिओमा राजन पौडेल, पर्वतमा लक्ष्मीप्रसाद पौडेल, खोटाङमा रेखा कँडेल र प्युठानमा शान्ति राज प्रसाईंलाई पठाइएको छ ।
आगामी फागुन २१ को निर्वाचनलाई लक्षित गरी प्रशासनिक सुदृढीकरणका लागि गृह मन्त्रालयले यो जिम्मेवारी हेरफेर गरेको बुझिएको छ । सरुवा भएका अन्य अधिकारीहरूलाई तत्काल आफ्नो नयाँ कार्यभार सम्हाल्न समेत मन्त्रालयले निर्देशन दिएको छ ।

























