प्रतिनिधिसभाको नेतृत्वको कार्यकाल सकियो, सभामुख घिमिरे सरकारी निवासबाट बाहिरिँदै

Share this
734shares
मुलुकी खबर
मुलुकी खबर
clock२०८२ पुस १३, आइतबार १५:०२

काठमाडौं । प्रतिनिधिसभाका सभामुख देवराज घिमिरे र उपसभामुख इन्दिरा रानाको पदावधि औपचारिक रूपमा समाप्त भएको छ ।

आगामी प्रतिनिधिसभा निर्वाचनको कानुनी प्रक्रिया अघि बढेसँगै संविधानले तोकेको समयसीमाअनुसार दुवै पदाधिकारी अब आफ्नो जिम्मेवारीबाट मुक्त भएका हुन् । पदावधि सकिएसँगै सभामुख घिमिरेले सरकारी निवास छोड्ने तयारीसमेत थालेका छन् ।

सभामुख घिमिरेका सञ्चार विज्ञ शेखर अधिकारीका अनुसार घिमिरेले अब संसद् भवनस्थित कार्यालय जाने छैनन् र सरकारी आवास छाड्ने प्रक्रिया अन्तिम चरणमा पुगेको छ । उनले निजी बसोबासका लागि डेरा खोजिसकेको जानकारी पनि अधिकारीले दिएका छन् ।

अधिकारीका अनुसार संसद् पुनर्स्थापनासम्बन्धी विषय अदालतमा विचाराधीन रहेकाले त्यसमा सम्भावित जवाफ दिनुपर्ने परिस्थिति आउन सक्ने भन्दै घिमिरेले कुनै औपचारिक सार्वजनिक घोषणा नगरी बिदा हुने निर्णय गरेका हुन् । ‘पुनर्स्थापनाको मुद्दा अदालतमा पुगेको छ । त्यससँग सम्बन्धित विषयमा जवाफ दिनुपर्ने अवस्था आउन सक्छ । त्यसैले प्रक्रियागत अप्ठ्यारो नआओस् भनेर उहाँले सार्वजनिक घोषणा नगरी नै जिम्मेवारीबाट अलग हुने निर्णय गर्नुभएको हो,’ अधिकारीले भने ।

नेपालको संविधानले प्रतिनिधिसभा विघटन भएको अवस्थामा त्यसअघिको प्रतिनिधिसभामा बहाल रहेका सभामुख र उपसभामुख अर्को प्रतिनिधिसभा निर्वाचनका लागि उम्मेदवारी दर्ता गर्ने अघिल्लो दिनसम्म मात्रै पदमा रहने स्पष्ट व्यवस्था गरेको छ । यही संवैधानिक प्रावधानका आधारमा सभामुख घिमिरे र उपसभामुख रानाको पदावधि समाप्त भएको हो ।

प्रतिनिधिसभा निर्वाचन फागुन २१ गतेका लागि तोकिएको छ । निर्वाचनको तयारीस्वरूप निर्वाचन आयोगमा आइतबार र सोमबार समानुपातिक तर्फका उम्मेदवारहरूको बन्द सूची बुझाउने कार्यतालिका रहेको छ । यही कार्यतालिकासँग जोडेर हेर्दा सभामुख र उपसभामुखको कार्यकाल आइतबार राति १२ बजेदेखि औपचारिक रूपमा समाप्त भएको मानिन्छ ।

यससँगै प्रतिनिधिसभाको हालसम्मको नेतृत्व संरचना पूर्ण रूपमा समाप्त भएको छ । संसद् विघटनपछि पनि सीमित संवैधानिक दायित्वका साथ पदमा रहँदै आएका सभामुख र उपसभामुख अब व्यक्तिगत हैसियतमा फर्कने भएका छन् । सभामुख घिमिरेले सरकारी निवास छोड्ने तयारी थालेसँगै नयाँ राजनीतिक अध्यायतर्फ उनी प्रवेश गर्न लागेको संकेतसमेत मिलेको छ ।

तपाइको प्रतिक्रिया
मंसिर ९ गतेदेखि आत्मानन्द गोल्डकप, ८ टिमको सहभागिता
इलामको टोड्केमा वार्षिक एक करोड २० लाखको टमाटर उत्पादन
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
© 2024 Muluki Khabar. All Rights Reserved. Design & Develop By: Indesign Media Pvt. Ltd.