निर्वाचन आयोग मतपत्र छपाइको तयारीमा

Share this
670shares
मुलुकी खबर
मुलुकी खबर
clock२०८२ पुस १५, मंगलबार ०९:४४

काठमाडौं । आगामी फागुन २१ गते हुने भनिएको प्रतिनिधिसभा निर्वाचनका लागि निर्वाचन आयोगले मतपत्र छपाइ तयारीलाई तीव्रता दिएको छ । आयोगले सुरुमा समानुपातिक र त्यसपछि प्रत्यक्षतर्फका मतपत्र छाप्ने तयारी गरिरहेको छ ।

भक्तपुरको सानोठिमीस्थित जनक शिक्षा सामग्री केन्द्रको छापाखानामा मतपत्र छापिने छ । आयोगले यसअघि नै पुस १६ गतेदेखि मतपत्र छापाइ प्रक्रिया सुरु गर्ने तालिका तय गरेको थियो ।

निर्वाचन आयोगका सहायक प्रवक्ता कुलबहादुर जीसीका अनुसार समानुपातिकतर्फ भाग लिन इच्छुक ५८ दल र तिनीहरूसँग सम्बन्धित ६४ चुनाव चिह्न निश्चित भइसकेको छ । त्यसैले प्रारम्भमा समानुपातिकको मतपत्र छापिने काम सुरु गरिने छ ।

निर्वाचन आयोगले १ करोड ९० लाख ५ हजार ३ सय २४ मतदाताको नामावली संकलन र अद्यावधिक गरिसकेको छ । आयोगको नीति अनुसार समानुपातिक मतपत्र हरेक निर्वाचन क्षेत्रको कुल मतदाताको १० प्रतिशत बढी छापिने छ । समानुपातिक मतपत्र छपाइ कार्य २०–३० दिनभित्र सम्पन्न हुने अनुमान छ ।

समानुपातिक मतपत्र छापिसकेपछि प्रत्यक्षतर्फका मतपत्र छाप्ने काम सुरु हुनेछ । प्रत्यक्षतर्फको मतपत्र प्रत्येक निर्वाचन क्षेत्र अनुसार फरक हुने छ । किनभने क्षेत्र अनुसार दलको सहभागिता र चुनाव चिह्न फरक–फरक हुने भएकाले मतपत्र पनि त्यसैअनुसार छापिने हो । सहायक प्रवक्ता जीसीले भने, ‘प्रत्यक्षतर्फको मतपत्र छापाइ उम्मेदवारको अन्तिम नामावली प्रकाशन भएपछि मात्र सुरु हुनेछ ।’

निर्वाचन आयोगले मतपत्र छपाइमा सुरक्षा र गोपनीयता कायम राख्न विशेष सतर्कता अपनाउने जनाएको छ । मतपत्र तयार भएपछि मात्र निर्वाचन प्रक्रिया पूर्ण रूपमा अगाडि बढ्नेछ ।

तपाइको प्रतिक्रिया
मंसिर ९ गतेदेखि आत्मानन्द गोल्डकप, ८ टिमको सहभागिता
इलामको टोड्केमा वार्षिक एक करोड २० लाखको टमाटर उत्पादन
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
© 2024 Muluki Khabar. All Rights Reserved. Design & Develop By: Indesign Media Pvt. Ltd.