जग्गा घोटाला र घुस प्रकरण: पूर्वमन्त्री गुप्तालाई थुनामा पठाउन आदेश

Share this
698shares
मुलुकी खबर
मुलुकी खबर
clock२०८२ पुस १६, बुधबार २०:११

काठमाडौँ । विशेष अदालतले पूर्वमन्त्री राजकुमार गुप्तालाई थुनामा पठाउने आदेश दिएको छ । बुधबार भएको थुनछेक बहसपछि विशेष अदालतका न्यायाधीशहरू सुदर्शनदेव भट्ट, डिल्लीरत्न श्रेष्ठ र विदुर कोइरालाको इजलासले गुप्तालाई पुर्पक्षका लागि थुनामा पठाउने निर्णय गरेको हो । पोखरास्थित लिची बगान जग्गा घोटाला प्रकरणमा मुछिएका गुप्ताविरुद्ध अख्तियार दुरुपयोग अनुसन्धान आयोगले विशेष अदालतमा भ्रष्टाचार मुद्दा दायर गरेको थियो ।

यस प्रकरणमा गुप्तासहित तत्कालीन भूमि व्यवस्था मन्त्री रन्जिता श्रेष्ठ, कास्की मालपोत कार्यालयका प्रमुख रामचन्द्र अधिकारी र बिचौलियाहरू सुजनकुमार लामा, खमबहादुर पुन, यामकुमारी गुरुङ तथा तुलसीराम बुढामगर गरी ७ जनाविरुद्ध मुद्दा चलाइएको थियो । तत्कालीन मन्त्री गुप्तामाथि भूमि आयोग कास्कीको अध्यक्ष बनाउन २५ लाख रुपैयाँ र मालपोत प्रमुखको सरुवा रोक्न ५३ लाख रुपैयाँ घुस लेनदेनको डिल गरेको गम्भीर आरोप लागेको छ ।

गत असारमा सार्वजनिक भएको ९ मिनेट १३ सेकेन्ड लामो एक अडियो संवादमा गुप्ताले बिचौलियासँग नियुक्ति र सरुवाका विषयमा आर्थिक लेनदेनको कुरा गरेको सुनिन्छ । अडियोमा भूमि आयोग कास्कीको अध्यक्षमा खेमबहादुर पुनलाई नियुक्त गर्न अर्का मन्त्री बलराम अधिकारीलाई फोन गरिदिन आग्रह गरिएको विषय समेत समावेश थियो । उक्त अडियो सार्वजनिक भएर विवाद चर्किएपछि गुप्ताले आफ्नो पदबाट राजीनामा दिनुपरेको थियो। अदालतको यो आदेशसँगै अब उनी कारागारमै रहेर मुद्दाको पुर्पक्ष गर्नेछन् ।

तपाइको प्रतिक्रिया
मंसिर ९ गतेदेखि आत्मानन्द गोल्डकप, ८ टिमको सहभागिता
इलामको टोड्केमा वार्षिक एक करोड २० लाखको टमाटर उत्पादन
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
© 2024 Muluki Khabar. All Rights Reserved. Design & Develop By: Indesign Media Pvt. Ltd.