विराटनगर महानगरद्वारा २० प्रतिशत बजेट कटौती

Share this
702shares
मुलुकी खबर
मुलुकी खबर
clock२०८२ पुस २४, बिहीबार १६:३१

विराटनगर । विराटनगर महानगरपालिकाले चालु आर्थिक वर्षका लागि विनियोजित बजेटमा २० प्रतिशत कटौती गर्ने निर्णय गरेको छ। बिहीबार सम्पन्न नगरसभाको १७ औँ अधिवेशनले गत भदौमा भएको ‘जेनजी आन्दोलन’ बाट सिर्जित परिस्थिति र आन्तरिक आयमा देखिएको मन्दीका कारण बजेट समायोजन गर्ने निर्णय गरेको हो।

उपमेयर शिल्पा निराला कार्कीले नगरसभामा संशोधित बजेट प्रस्तुत गर्दै जेनजी आन्दोलनका कारण उत्पन्न असहज अवस्था, घरजग्गा कारोबारमा आएको मन्दी र संस्थागत बहाल कर लक्ष्यअनुसार संकलन हुन नसक्दा बजेट कटौती गर्नुपरेको जानकारी दिइन्। चालु आर्थिक वर्षका लागि ४ अर्ब ४० लाख रुपैयाँ आयको अनुमान गरिएकोमा पुस १५ गतेसम्म मात्र १ अर्ब १५ करोड ८४ लाख रुपैयाँ अर्थात् २८ दशमलव ९३ प्रतिशत मात्र यथार्थ आय भएको छ। आन्तरिक राजस्वतर्फ १ अर्ब ४० करोडको लक्ष्य राखिएकोमा हालसम्म १९ करोड ८५ लाख रुपैयाँ मात्र संकलन भएको प्रतिवेदनमा उल्लेख छ।

नगरसभालाई सम्बोधन गर्दै मेयर नागेश कोइरालाले भदौ २३ र २४ गतेको आन्दोलनका क्रममा महानगरको प्रशासनिक भवनसहित १३ वटा वडा कार्यालयमा भएको आगजनीबाट झण्डै १ अर्ब रुपैयाँ बराबरको भौतिक क्षति भएको स्मरण गराए। उनले आन्दोलनका क्रममा आफ्नै निजी निवास र वडा नम्बर १ का अध्यक्षको घरमा समेत आगजनी हुँदा ठूलो पीडा महसुस भएको बताए। आन्दोलनले भवन मात्र नभई शववाहन, जेसीबी र महत्त्वपूर्ण कागजातहरू समेत नष्ट गरेकाले यो क्षति पूर्ति गर्न महानगरलाई केही वर्ष लाग्ने उनको भनाइ छ।

सीमित स्रोत र साधनका बाबजुद महानगरले विकासका कामलाई निरन्तरता दिइरहेको मेयर कोइरालाले दाबी गरे। उनले जाइकाको सहयोगमा सञ्चालित खानेपानी आयोजना ७० प्रतिशत सम्पन्न भएको, स्वास्थ्य सेवामा महानगर मोरङकै तेस्रो स्थानमा पुगेको र देशमै पहिलोपटक अटिजम सेवा केन्द्र सञ्चालन गरिएको जानकारी दिए। आम्दानी घटेको र भौतिक संरचना ध्वस्त भएको यो कठिन समयमा पनि जनप्रतिनिधि र कर्मचारीबीचको बलियो एकताकै कारण विराटनगर नमुना बनेको उनले उल्लेख गरे।

प्रमुख प्रशासकीय अधिकृत योगेन्द्रप्रसाद दुलालका अनुसार यो अधिवेशन विराटनगर महानगरको इतिहासमै सबैभन्दा छोटो समयमा र मर्यादित रूपमा सम्पन्न भएको छ। नगरसभाले वडास्तरीय बाहेकका नगरस्तरीय योजना र अन्य विषय क्षेत्रगत कार्यक्रमहरू समायोजन हुने गरी संशोधित बजेटलाई अनुमोदन गरेको छ।

तपाइको प्रतिक्रिया
मंसिर ९ गतेदेखि आत्मानन्द गोल्डकप, ८ टिमको सहभागिता
इलामको टोड्केमा वार्षिक एक करोड २० लाखको टमाटर उत्पादन
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
© 2024 Muluki Khabar. All Rights Reserved. Design & Develop By: Indesign Media Pvt. Ltd.