
झापा । झापाको मेचीनगर नगरपालिका–१० धुलाबारीस्थित न्यू इन्फ्रा हेवन कम्पनी लिमिटेडले निर्माण गर्दै आएको ईस्टर्न होटलको निर्माणाधीन भवनबाट लडेर कामदारको मृत्यु भएको छ ।
भवनको चौथो तलामा कामदारले फलामको पाइप सार्ने क्रममा घटना भएको प्रहरीले जनाएको छ । निर्माणाधीन भवनबाट खसेर घाइते भएका सप्तरीको खडक नगरपालिका–१ का २१ वर्षीय नरेशकुमार मण्डलको मृत्यु भएको हो ।
गम्भीर घाइते भएका उनको उपचारका क्रममा मेची आम्दा अस्पताल धुलाबारीमा शुक्रबार साँझ ७ बजेतिर मृत्यु भएको प्रहरीले जनाएको छ । झापा प्रहरी प्रवक्ता डीएसपी खगेन्द्रबहादुर खड्काले घटनाको अनुसन्धान भइरहेको बताए ।

























