गृह मन्त्रालयद्वारा २ प्रजिअसहित ८ उपसचिवको सरुवा तथा पदस्थापन

Share this
735shares
मुलुकी खबर
मुलुकी खबर
clock२०८२ पुस २९, मंगलबार ०६:००

काठमाडौं । गृह मन्त्रालयले प्रशासनिक संयन्त्रमा आंशिक फेरबदल गर्दै २ प्रमुख जिल्ला अधिकारी (प्रजिअ)सहित ८ जना उपसचिव तहका कर्मचारीको सरुवा तथा पदस्थापन गरेको छ ।

मन्त्रालयले सोमबार गरेको निर्णयअनुसार विभिन्न जिल्लामा कार्यरत तथा मन्त्रालय अन्तर्गतका उपसचिवहरूलाई नयाँ जिम्मेवारीसहित खटाइएको हो । मन्त्रालयका अनुसार डोल्पामा प्रमुख जिल्ला अधिकारीका रूपमा कार्यरत भीमराज कोइरालालाई पाँचथरको सहायक प्रमुख जिल्ला अधिकारीमा सरुवा गरिएको छ ।

यस्तै, बझाङका प्रमुख जिल्ला अधिकारी कैलाशबहादुर ठकुराठीलाई दैलेखको सहायक प्रमुख जिल्ला अधिकारीको जिम्मेवारी दिइएको छ । सोमबार साँझ सार्वजनिक गरिएको सरुवा तथा पदस्थापन विवरणअनुसार मन्त्रालयकै उपसचिव जुनु हमाल ढकाललाई डोल्पाको प्रमुख जिल्ला अधिकारीमा पदस्थापन गरिएको छ ।

त्यसैगरी, राष्ट्रिय परिचयपत्र तथा पञ्जीकरण विभागका निर्देशक मुकेशकुमार केशरीलाई बझाङको प्रमुख जिल्ला अधिकारीको जिम्मेवारी दिइएको छ । गृह मन्त्रालयका उपसचिव नवराज बराललाई बागलुङको सहायक प्रमुख जिल्ला अधिकारीमा पठाइएको छ ।

यस्तै, मन्त्रालयका उपसचिव भविश्वर घिमिरेलाई कपिलवस्तुको सहायक प्रमुख जिल्ला अधिकारीमा खटाइएको छ भने उपसचिव कृष्णप्रसाद गैरेलाई धनुषाको सहायक प्रमुख जिल्ला अधिकारीको जिम्मेवारी दिइएको छ । बागलुङमा कार्यरत सहायक प्रमुख जिल्ला अधिकारी जनकराज पन्तलाई गृह मन्त्रालयमा सरुवा गरिएको मन्त्रालयले जनाएको छ।

गृह मन्त्रालयले प्रशासनिक कार्यसम्पादनलाई थप प्रभावकारी बनाउने उद्देश्यले आवश्यकताअनुसार सरुवा तथा पदस्थापन गरिएको बताउँदै आएको छ । यसपटकको सरुवालाई नियमित प्रशासनिक प्रक्रिया अन्तर्गतको निर्णयका रूपमा मन्त्रालयले व्याख्या गरेको छ ।

तपाइको प्रतिक्रिया
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
© 2024 Muluki Khabar. All Rights Reserved. Design & Develop By: Indesign Media Pvt. Ltd.