कांग्रेस विवाद: माग र अडानसहित देउवा निवासमा विशेष महाधिवेशन पक्षधर वार्ता टोली

Share this
653shares
मुलुकी खबर
मुलुकी खबर
clock२०८२ पुस २९, मंगलबार १२:५६

काठमाडौँ । नेपाली कांग्रेसको संस्थापन पक्षका वार्ता टोलीका सदस्यहरू पहिलो चरणको छलफलको प्रगतिबारे जानकारी दिन पार्टी सभापति शेरबहादुर देउवाको निवास महाराजगञ्ज पुगेका छन्। विशेष महाधिवेशन पक्षधरसँग मंगलबार बिहान बालुवाटारमा भएको वार्तामा ठोस सहमति जुट्न नसकेपछि टोलीले सभापति देउवालाई त्यहाँ उठेका माग र अडानबारे ब्रिफिङ गर्न लागेको हो।

देउवा र डा. शेखर कोइराला पक्षका तर्फबाट वार्ता समितिमा रहेका बालकृष्ण खाण, रमेश लेखक, सहमहामन्त्री जीवन परियार र डा. मिनेन्द्र रिजालले विशेष पक्षका मागबारे सभापतिलाई जानकारी गराएपछि मात्रै दोस्रो चरणको वार्ताको रणनीति तय हुने देखिएको छ।

विशेष महाधिवेशन पक्षधरका तर्फबाट केन्द्रीय सदस्यद्वय प्रदीप पौडेल र मधु आचार्य, नेताहरू गुरुराज घिमिरे र देवराज चालिसेले राखेका कतिपय प्रस्तावका कारण सहमति जुट्न कठिन भइरहेको संस्थापन पक्षको दाबी छ। विशेष पक्षले चुनावको टिकट वितरणमा उपसभापति पूर्णबहादुर खड्काको हस्ताक्षर हुनुपर्ने, विशेष महाधिवेशनको पूर्ण स्वामित्व पार्टीले लिनुपर्ने र महामन्त्रीद्वय गगन थापा तथा विश्वप्रकाश शर्माले पेस गरेको पार्टी पुनर्संरचना सम्बन्धी प्रस्तावलाई जस्ताको तस्तै स्वीकार गर्नुपर्ने सर्तहरू राखेका छन्। यी प्रस्तावहरूले पार्टीको वर्तमान शक्ति सन्तुलनमा ठूलो हेरफेर ल्याउने भएकाले संस्थापन पक्ष सशङ्कित देखिएको छ।

वार्ता लम्बिदै जानुको मुख्य कारण भने विशेष महाधिवेशन पक्षधरले राखेको नेतृत्व त्याग र भागबण्डाको माग रहेको बुझिएको छ। वार्तामा सहभागी एक नेताका अनुसार विशेष पक्षले गुटगत आधारमा ४० प्रतिशत भागबण्डा दिनुपर्ने, सभापति देउवा पदबाट हट्नुपर्ने र आगामी निर्वाचनमा उनी उम्मेदवार बन्न नहुने जस्ता गम्भीर प्रस्तावहरू अगाडि सारेका छन्।

यस्ता ‘अस्वाभाविक’ मागहरू पूरा गर्न नसकिने अडान देउवा पक्षले लिएपछि वार्ता निष्कर्षविहीन बन्दै गएको छ। यद्यपि, दुवै पक्षबीच दोस्रो चरणको वार्ता आजै दिउँसो साढे २ बजे पुनः बस्ने तयारी भइरहेको छ, जसले कांग्रेसको आगामी आन्तरिक राजनीतिक कार्यदिशा स्पष्ट पार्ने अपेक्षा गरिएको छ।

तपाइको प्रतिक्रिया
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
© 2024 Muluki Khabar. All Rights Reserved. Design & Develop By: Indesign Media Pvt. Ltd.