भारतको हिमाचलमा भीषण आगलागी: ९ जना नेपाली श्रमिक बेपत्ता

Share this
698shares
मुलुकी खबर
मुलुकी खबर
clock२०८२ पुस २९, मंगलबार १४:१०

काठमाडौँ । भारतको हिमाचल प्रदेशस्थित सोलन जिल्लाको अर्की बजार क्षेत्रमा सोमबार राति भीषण आगलागी भएको छ। उक्त आगलागीमा परेर ९ जना नेपाली श्रमिकहरू सम्पर्कविहीन भएका छन्। भारतस्थित नेपाली दूतावासका अनुसार आगलागीले सो बजार क्षेत्रका करिब १०–१२ वटा घर जलेर ध्वस्त भएका छन्। आगलागीका क्रममा ग्यास सिलिन्डरहरू समेत विस्फोट हुँदा घटना थप भयानक बनेको र त्यहाँ कार्यरत नेपालीहरू पनि त्यसको चपेटामा परेको हुनसक्ने दूतावासको प्रारम्भिक अनुमान छ।

घटनास्थलबाट हालसम्म दुईवटा शव निकालिएको छ, तर ती शवहरू जलेर पहिचान गर्न नसकिने अवस्थामा रहेकाले पहिचानका लागि डीएनए परीक्षण गर्नुपर्ने देखिएको छ। आगलागीमा परी बेपत्ता भएका ९ जना नेपाली नागरिकहरूको खोजी कार्यलाई भारतस्थित नेपाली दूतावासले तीव्रता दिएको छ। दूतावासका उपनियोग प्रमुख डा. सुरेन्द्र थापाले हिमाचल सरकारसँगको समन्वयमा बेपत्ता भएकाहरूको खोजी कार्य जारी रहेको जानकारी दिएका छन्।

हिमाचल प्रहरीले भग्नावशेषमा हराइरहेका नेपालीहरूको सूची दूतावासलाई उपलब्ध गराएको छ। उक्त सूचीअनुसार बेपत्ता हुनेहरूमा सल्यान जिल्लाका ५ महिला र ४ पुरुष रहेका छन्। हिमाचल सरकारले आगलागीको कारणबारे अनुसन्धान सुरु गर्नुका साथै हराइरहेका व्यक्तिहरूको खोजीका लागि सुरक्षाकर्मीहरू परिचालन गरेको छ। बेपत्ता नेपालीहरूको पहिचान र उद्धारका लागि नेपाली दूतावासले स्थानीय प्रशासनसँग निरन्तर सम्पर्क गरिरहेको छ।

तपाइको प्रतिक्रिया
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
© 2024 Muluki Khabar. All Rights Reserved. Design & Develop By: Indesign Media Pvt. Ltd.