
गोरखा । गोरखाको भिमसेन थापा गाउँपालिका–३ मा राष्ट्रिय स्वतन्त्र पार्टी (रास्वपा) का केन्द्रीय सदस्य प्रकाशचन्द्र परियारको गाडी तोडफोड भएको छ। पार्किङ गरी राखेको अवस्थामा अज्ञात समूहले बा १३ च ३८२८ नम्बरको गाडीमा क्षति पुर्याएको हो।
जिल्ला प्रहरी कार्यालय गोरखाका डीएसपी राजकुमार श्रेष्ठका अनुसार बिहीबार सो क्षेत्रमा माघे सङ्क्रान्तिको अवसरमा गोरु जुधाई र फुटबल प्रतियोगिता सञ्चालन भएको थियो। सोही क्रममा पार्किङमा रहेको गाडीको पछाडिको सिसा फुटाइएको पाइएको छ।
नेता परियारले आफ्नो सवारी साधनमा भएको क्षतिको बारेमा प्रहरीलाई जानकारी गराइसकेका छन्। प्रहरीले घटनाको थप अनुसन्धान र दोषीको खोजी भइरहेको जनाएको छ।

























