एमाले सचिवालय बैठक: १६५ वटै क्षेत्रमा आफ्नै उम्मेदवार उठाउने

Share this
726shares
मुलुकी खबर
मुलुकी खबर
clock२०८२ माघ ३, शनिबार १५:३३

काठमाडौँ । आगामी फागुन २१ गते हुने प्रतिनिधिसभा निर्वाचनका लागि उम्मेदवारको टुंगो लगाउन नेकपा एमालेको सचिवालय बैठक सुरु भएको छ। पार्टी अध्यक्ष केपी शर्मा ओलीको अध्यक्षतामा बसेको बैठकले देशभरका १६५ वटै निर्वाचन क्षेत्रका लागि उम्मेदवारहरूको अन्तिम नामावली तय गर्ने बताइएको छ।

निर्वाचन आयोगको कार्यतालिका अनुसार आगामी माघ ६ गते १६५ वटै निर्वाचन क्षेत्रमा उम्मेदवार मनोनयनको कार्यक्रम रहेको छ। सोही समयसीमालाई मध्यनजर गर्दै एमालेले उम्मेदवारको नाम टुंग्याउन लागेको हो। नेताहरूका अनुसार हालसम्म कुनै पनि राजनीतिक दलसँग चुनावी गठबन्धन गर्ने निधो नभएकाले एमालेले सबै क्षेत्रमा आफ्नै ‘सूर्य’ चिह्नबाहक उम्मेदवार अघि बढाउने निर्णय गरेको छ।

उम्मेदवार छनोटका लागि एमालेका निर्वाचन क्षेत्रीय समन्वय कमिटी, जिल्ला कमिटी र प्रदेश कमिटीहरूले यसअघि नै नाम सिफारिस गरिसकेका छन्। प्राप्त सिफारिस अनुसार अध्यक्ष केपी शर्मा ओलीसहित करिब ३५ जना शीर्ष नेताको नाम भने सर्वसम्मत रूपमा आएको छ। बाँकी क्षेत्रहरूमा प्राप्त नामहरूमध्येबाट सचिवालयले योग्यता, लोकप्रियता र विजयको सम्भावनाका आधारमा अन्तिम निर्णय लिनेछ।

यसअघि बसेको एमाले केन्द्रीय कमिटीको बैठकले निर्वाचनका लागि उम्मेदवारको अन्तिम छनोट गर्ने सम्पूर्ण जिम्मेवारी सचिवालयलाई दिने निर्णय गरेको थियो। सोही अधिकार प्रयोग गर्दै आजको बैठकले देशभरका उम्मेदवारहरूको सूचीलाई अन्तिम रूप दिनेछ। निर्वाचन आयोगले फागुन २१ गतेका लागि मतदानको मिति घोषणा गरिसकेको छ। चुनावी सरगर्मी बढ्दै जाँदा एमालेले आफ्ना उम्मेदवारहरूलाई समयमै मैदानमा उतार्ने गरी यो तयारी थालेको हो।

तपाइको प्रतिक्रिया
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
© 2024 Muluki Khabar. All Rights Reserved. Design & Develop By: Indesign Media Pvt. Ltd.