‘अदालतको विषय आयोगले विश्लेषण गर्दैन’

Share this
759shares
मुलुकी खबर
मुलुकी खबर
clock२०८२ माघ ५, सोमबार १७:४४

काठमाडौँ । कार्यवाहक प्रमुख निर्वाचन आयुक्त रामप्रसाद भण्डारीले अदालतमा विचाराधीन विषयलाई निर्वाचन आयोगले अहिले विश्लेषण नगर्ने स्पष्ट पारेका छन्। मनोनयन दर्ताको पूर्वसन्ध्यामा सोमबार एक अपिल जारी गर्दै उनले अदालतको आदेश सबैका लागि शिरोधार्य हुने भए पनि आयोगले आफ्नो पूर्वनिर्धारित कार्यतालिकामा कुनै संशोधन नगर्ने बताएका हुन्।

आयोगले चार महिनाअघि नै निर्वाचन कार्यतालिका सार्वजनिक गरिसकेकाले अब कुनै पनि विषयवस्तु थप्ने वा घटाउने काम नहुने भण्डारीको भनाइ छ। फागुन २१ गते हुने प्रतिनिधिसभा निर्वाचनका लागि भोलि माघ ६ गते बिहान १० देखि साँझ ५ बजेसम्म मनोनयन पत्र दर्ता हुने सुनिश्चित भएको उनले जानकारी दिए। लोकतन्त्रमा नागरिकको चुन्ने र चुनिने अधिकारलाई कसैले निषेध गर्न नसक्ने उल्लेख गर्दै उनले निर्धारित समयमै मनोनयन पत्र दाखिल हुनेमा आयोग पूर्ण रूपमा ढुक्क रहेको बताए।

उम्मेदवार आफैँ उपस्थित हुन नसके वारेसमार्फत पनि मनोनयन दर्ता गर्न सकिने कानुनी व्यवस्था रहेको स्मरण गराउँदै भण्डारीले मनोनयनका क्रममा बाजागाजा र तडकभडक गर्न निर्वाचन आचारसंहिताले पूर्णतः निषेध गरेको प्रष्ट पारेका छन्। उनले निर्वाचनको विकल्प निर्वाचन नै भएको भन्दै सबै सरोकारवालालाई निष्ठापूर्वक यो प्रक्रिया सम्पन्न गर्न सहयोगका लागि हार्दिक अनुरोध समेत गरेका छन्।

तपाइको प्रतिक्रिया
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
© 2024 Muluki Khabar. All Rights Reserved. Design & Develop By: Indesign Media Pvt. Ltd.