झापा-५ मा महाभिडन्त: ओली र बालेन दुवैको उम्मेदवारी दर्ता

Share this
697shares
मुलुकी खबर
मुलुकी खबर
clock२०८२ माघ ६, मंगलबार १४:४१

झापा। आगामी फागुन २१ गते हुने प्रतिनिधिसभाको मध्यावधि निर्वाचनका लागि झापा निर्वाचन क्षेत्र नम्बर ५ मा ‘हेभिवेट’ प्रतिस्पर्धा निश्चित भएको छ। नेकपा एमालेका अध्यक्ष एवं पूर्वप्रधानमन्त्री केपी शर्मा ओलीले मंगलबार अपराह्न निर्वाचन अधिकृतको कार्यालय पुगेर आफ्नो उम्मेदवारी दर्ता गराएका छन्।

कसको पल्ला भारी? यसअघि सोही क्षेत्रमा राष्ट्रिय स्वतन्त्र पार्टी (रास्वपा) का वरिष्ठ नेता बालेन शाहले बिहान ११ बजे नै उम्मेदवारी दर्ता गराइसकेका छन्। एमालेले ओलीलाई र रास्वपाले बालेनलाई भावी प्रधानमन्त्रीको उम्मेदवारका रूपमा अघि सारेकाले झापा–५ को यो भिडन्तलाई ‘प्रधानमन्त्रीको भिडन्त’ का रूपमा हेरिएको छ। बालेनको उम्मेदवारीमा भेषराज भट्टराई प्रस्तावक र भूमिनन्दन बराल समर्थक रहेका छन्।

झापा–५ ओलीको यो क्षेत्र २०४८ सालदेखिको बलियो पकड मानिन्छ। २०७९ को निर्वाचनमा उनले ५२ हजारभन्दा बढी मत ल्याएर विजयी भएका थिए। तर, यसपटक काठमाडौँका पूर्वमेयर बालेन शाहको ‘इन्ट्री’ र नेकपाका युवा नेता रञ्जित तामाङको उम्मेदवारीले ओलीको गढमा कडा चुनौती थपिएको छ।

उम्मेदवारी दर्ताका लागि दमक पुगेका ओलीले बालेनप्रति लक्षित गर्दै चर्चाका लागि मात्र उम्मेदवारी दिएको हुन सक्ने टिप्पणी गरेका छन्। यता बालेन समर्थकहरूले भने ‘परिवर्तनका लागि युवा’ भन्दै झापामा व्यापक चुनावी माहोल सिर्जना गरेका छन्।

सयौँको संख्यामा रहेका एमाले र रास्वपाका कार्यकर्ताहरूको शक्ति प्रदर्शनले दमकको राजनीतिक तापक्रम ह्वात्तै बढाएको छ। अबको मुख्य प्रतिस्पर्धा ओलीको अनुभव र संगठन तथा बालेनको क्रेज र युवा लहरबीच हुने निश्चित छ।

तपाइको प्रतिक्रिया
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
© 2024 Muluki Khabar. All Rights Reserved. Design & Develop By: Indesign Media Pvt. Ltd.