रवि लामिछानेको मुद्दा फिर्ताको निर्णयमा सर्वोच्चको कारण देखाऊ आदेश

Share this
704shares
मुलुकी खबर
मुलुकी खबर
clock२०८२ माघ ६, मंगलबार १६:१०

काठमाडौँ। राष्ट्रिय स्वतन्त्र पार्टी (रास्वपा) का सभापति रवि लामिछानेविरुद्धका गम्भीर अभियोगहरू हटाउने महान्यायाधिवक्ता कार्यालयको निर्णयमाथि सर्वोच्च अदालतले प्रश्न उठाएको छ। न्यायाधीश अब्दुल अजिज मुसलमानको एकल इजलासले मंगलबार महान्यायाधिवक्ता कार्यालयका नाममा ‘कारण देखाऊ आदेश’ जारी गरेको हो।

मुद्दाको पृष्ठभूमि र सर्वोच्चको आदेश महान्यायाधिवक्ता सविता भण्डारीले गत पुस ३० गते लामिछानेमाथि लागेका ‘सम्पत्ति शुद्धीकरण’ र ‘सङ्गठित अपराध’ सम्बन्धी अभियोगहरू फिर्ता वा संशोधन गर्ने निर्णय गरेकी थिइन्। उक्त निर्णय ‘बदनियतपूर्ण’ भएको भन्दै वरिष्ठ अधिवक्ता दिनेश त्रिपाठी, आयुष बडाल र युवराज पौडेल ‘सफल’ ले सर्वोच्चमा रिट दायर गरेका थिए।

सर्वोच्चले आजको प्रारम्भिक सुनुवाइपछि लामिछानेको मुद्दा फिर्ता वा संशोधन गर्नुपर्नको कानुनी आधार र कारणसहित लिखित जवाफ पेस गर्न सरकारलाई आदेश दिएको छ। साथै, यस विषयमा थप छलफलका लागि महान्यायाधिवक्ता कार्यालयलाई उपस्थित हुन समेत भनिएको छ।

सम्पत्ति शुद्धीकरण सम्बन्धी मुद्दा फिर्ता लिन मुलुकी फौजदारी कार्यविधि संहिताको दफा ११६ ले रोक लगाएको अवस्थामा दफा ३६ को सहारा लिएर अभियोग संशोधन गर्नु गैरकानुनी भएको दाबी गरिएको छ।  यस्ता गम्भीर आर्थिक अपराधमा उन्मुक्ति दिँदा नेपाल अन्तर्राष्ट्रिय वित्तीय कारबाही कार्यदलको कालोसूचीमा पर्न सक्ने चेतावनी दिइएको छ।

मिलापत्र गर्न नमिल्ने सङ्गठित अपराधमा अभियोग हटाउँदा हजारौँ सहकारी बचतकर्ताको न्याय पाउने अधिकार खोसिने जिकिर गरिएको छ। महान्यायाधिवक्ता कार्यालयले भने लामिछानेमाथि ‘राजनीतिक प्रतिशोध’ का आधारमा मुद्दा चलाइएको र बचतकर्ताको हितका लागि अभियोग संशोधन गरिएको तर्क गर्दै आएको छ।

तपाइको प्रतिक्रिया
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
© 2024 Muluki Khabar. All Rights Reserved. Design & Develop By: Indesign Media Pvt. Ltd.