
काठमाडौँ। भक्तपुरस्थित बाल सुधार गृहमा बिहीबार राति दुई पक्षबीच झडप भएको छ। झडपमा १३ जना घाइते भएका छन्।
घाइतेमध्ये दुई जनाको अवस्था गम्भीर रहेकाले उनीहरूलाई अस्पताल भर्ना गरिएको छ। झडपका क्रममा सुधार गृहभित्र आगो समेत लगाइएको थियो। स्थिति नियन्त्रणमा लिन प्रहरी टोली भित्र छिर्न खोज्दा उनीहरूमाथि ढुंगामुढा समेत भएको प्रहरीले जनाएको छ।
अहिले सुधार गृहमा रहेका १६२ जनालाई अन्यत्र स्थानान्तरण गरेर भवन खाली गराइएको छ। घटनाको थप विवरण आउन बाँकी छ।

























