६० केजी सुन तस्करी प्रकरण: थुनामा रहेका चार जना सर्वोच्च पुगे

Share this
683shares
मुलुकी खबर
मुलुकी खबर
clock२०८२ माघ ९, शुक्रबार १३:०६

काठमाडौँ। ६० केजी सुन तस्करी प्रकरणमा पुर्पक्षका लागि थुनामा रहेका चार जना जिल्ला र उच्च अदालतको आदेश बदर गर्न माग गर्दै सर्वोच्च अदालत पुगेका छन्।

सर्वोच्च पुग्नेमा भारतीय नागरिक बैजनाथ ब्रह्मादत्त गोयल, मनोजराज श्रेष्ठ तथा चिनियाँ नागरिक गेङ्गा शाशी (कुङ्गा टासी शेर्पा) र मिङ सिङ टेरेन्स सी छन्। जिल्ला अदालतले उनीहरूलाई थुनामा पठाएपछि उनीहरू उच्च अदालत पाटन पुगेका थिए। उच्चले पनि जिल्लाकै आदेश सदर गरेपछि उनीहरू सर्वोच्च पुगेका हुन्। सर्वोच्चका न्यायाधीशद्वय मनोजकुमार शर्मा र सुनिलकुमार पोखरेलको इजलासमा उनीहरूको निवेदनमाथि सुनुवाइ भइरहेको छ।

चीनबाट स्कुटरको ‘ब्रेक शु’ मार्फत भएको सुन तस्करीबारे सीआईबीले गरेको दोस्रो चरणको अनुसन्धानका क्रममा उनीहरू पक्राउ परेका थिए। पक्राउ परेका चिनियाँ नागरिक गेङ्गाले काठमाडौँ जिल्ला प्रशासनबाटै कुङ्गा टासी शेर्पाको नाममा नेपाली नागरिकता र सवारी चालक अनुमतिपत्र लिएको पाइएको छ।

यस्तै, सीआईबीले बौद्धबाट ६ केजी सुनसहित पक्राउ गरेका चिनियाँ नागरिक शेरब ग्याल्मोसँग पनि नेपाली नागरिकता फेला परेको थियो। उनले मुस्ताङको लोमान्थाङबाट सोनाम गुरुङको नाममा नागरिकता लिएको अनुसन्धानले देखाएको छ।

तपाइको प्रतिक्रिया
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
© 2024 Muluki Khabar. All Rights Reserved. Design & Develop By: Indesign Media Pvt. Ltd.