फाइल फोटो ।विराटनगर । झापामा दुर्घटनामा परेर घाइते भएका १ जनाको मृत्यु भएको छ । बिर्तामोड नगरपालिका–६ का १८ वर्षीय समर मुस्लिमको मृत्यु भएको प्रहरीले जनाएको छ ।
बिर्तामोड–६ स्थित किराँत चोकमा गत पुस ३० गते साँझ मोटरसाइकल दुर्घटनामा परेर उनी घाइते भएका थिए । बुट्टाबारीबाट किराँत चोकतर्फ जाँदै गरेको मे २ प ६५७८ नम्बरको मोटरसाइकल आफैं अनियन्त्रित भएर दुर्घटनामा परेको प्रहरीको भनाइ छ ।
प्रहरीका अनुसार दुर्घटनामा गम्भीर घाइते भएका मोटरसाइकल चालक मुस्लिमको उपचारका क्रममा बी एन्ड सी अस्पतालमा शनिबार दिउँसो ३ः३० बजेतिर मृत्यु भएको हो । प्रहरीले घटनाको थप अनुसन्धान गरिरहेको छ ।

























