सशस्त्रको गोलीले चालकको मृत्युः राजमार्गमा शव राखेर प्रदर्शन

Share this
731shares
मुलुकी खबर
मुलुकी खबर
clock२०८२ पुस १७, बिहीबार १०:४०
सुनसरीमा सशस्त्र प्रहरीको गोली चलाउँदा सिटी सफारी चालकको मृत्यु

विराटनगर । सुनसरीमा सशस्त्र प्रहरीको गोली लागेर सिटी सफारी चालकको मृत्यु भएपछि स्थिति नियन्त्रण लिन सकस भएको छ । घटनापछि आक्रोशित स्थानीय बासिन्दाले पूर्वपश्चिम राजमार्गको लौकही खण्ड अवरुद्ध गर्दै प्रदर्शन सुरु गरेका छन् ।

बिहीबार बिहान करिब १ बजे कोशी गाउँपालिका–१ मा तस्करी नियन्त्रणका लागि खटिएको सशस्त्र प्रहरी बल (एपीएफ) को टोलीले चलाएको गोली लागेर स्थानीय ४५ वर्षीय विजय साहको मृत्यु भएको थियो । साहलाई दुई राउन्ड गोली लागेको बताइएको छ ।

प्रहरीको गोलीबाट साहको मृत्यु भएपछि बिहानैदेखि स्थानीयले लौकही क्षेत्रमा सडक अवरुद्ध पारेका छन् । प्रदर्शनकारीहरूले मृतकको शव राजमार्गमै राखेर सशस्त्र प्रहरीको विरोधमा नाराबाजी गरिरहेका छन् ।

जिल्ला प्रहरी कार्यालय सुनसरीका प्रवक्ता डीएसपी चन्द्र खड्काका अनुसार राजमार्ग अवरुद्ध हुँदा सयौँको संख्यामा सवारी साधनहरू बीच बाटोमै रोकिएका छन् । ूमोटरसाइकल मात्रै मुस्किलले आवातजावत भइरहेको छ। ठूला सवारी साधन पूर्ण रूपमा ठप्प छन् ।

शव सडकमा राखेर प्रदर्शन भइरहेकाले लौकही क्षेत्रको अवस्था अहिले तनावग्रस्त छ । स्थानीयले दोषी प्रहरीलाई तत्काल पक्राउ गरी कारबाही गर्नुपर्ने र पीडित परिवारलाई उचित क्षतिपूर्ति दिनुपर्ने माग राखेका छन् ।

प्रशासनले वार्ताका लागि प्रयास गरिरहेको भए पनि प्रदर्शनकारीहरू आक्रोशित रहेकाले स्थिति सहज हुन सकेको छैन। घटनास्थलमा सुरक्षा व्यवस्था कडा पारिएको छ ।

तपाइको प्रतिक्रिया
मंसिर ९ गतेदेखि आत्मानन्द गोल्डकप, ८ टिमको सहभागिता
इलामको टोड्केमा वार्षिक एक करोड २० लाखको टमाटर उत्पादन
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
© 2024 Muluki Khabar. All Rights Reserved. Design & Develop By: Indesign Media Pvt. Ltd.