झापाको माईखोला पुलमा फेला परेको शंकास्पद वस्तु नेपाली सेनाद्वारा निष्क्रिय

Share this
689shares
मुलुकी खबर
मुलुकी खबर
clock२०८२ पुस १९, शनिबार १०:५१

विराटनगर । झापाको कन्काई नगरपालिका–४ स्थित माईखोला पुल नजिक फेला परेको शंकास्पद वस्तुलाई नेपाली सेनाको टोलीले निष्क्रिय पारेको छ। आज शनिबार बिहान करिब ६:३० बजे पूर्व-पश्चिम राजमार्गको पुल नजिकै सडकको छेउमा एउटा कालो झोला फेला परेको थियो। उक्त झोलाभित्र प्रेसर कुकर र त्यसबाट निस्किएको तार देखेपछि त्रसित बनेका स्थानीयले तत्काल प्रहरीलाई खबर गरेका थिए।

सूचना पाएलगत्तै इलाका प्रहरी कार्यालय सुरुङ्गाको टोलीले उक्त क्षेत्रलाई सुरक्षित राख्न घेराबन्दी गरेको थियो। त्यसपछि चारआलीस्थित श्री अरिदमन गणबाट सेनानी आनन्दकुमार श्रेष्ठको नेतृत्वमा खटिएको १० जनाको बम डिस्पोजल टोलीले बिहान ७:१५ बजे उक्त वस्तुलाई सुरक्षित रूपमा डिस्पोज गरेको हो।

घटनास्थल नजिकै ‘सनातन सुरक्षा सेना नेपाल’ लेखिएको पर्चा समेत फेला परेको छ। उक्त पर्चामा राजसंस्थाको पुनःस्थापना, नेपाललाई वैदिक सनातन हिन्दू राष्ट्र घोषणा गर्नुपर्ने र वर्तमान व्यवस्थाको विरोध गर्दै आगामी निर्वाचन बहिष्कार गर्न आह्वान गरिएको प्रहरीले जनाएको छ। शंकास्पद वस्तु डिस्पोज गरिएसँगै अहिले उक्त क्षेत्रको जनजीवन र पूर्व-पश्चिम राजमार्गको यातायात सुचारु रूपमा सञ्चालन भइरहेको छ। प्रहरीले घटनामा संलग्न व्यक्तिहरूको खोजी र थप अनुसन्धान तीव्र बनाएको जानकारी दिएको छ।

तपाइको प्रतिक्रिया
मंसिर ९ गतेदेखि आत्मानन्द गोल्डकप, ८ टिमको सहभागिता
इलामको टोड्केमा वार्षिक एक करोड २० लाखको टमाटर उत्पादन
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
© 2024 Muluki Khabar. All Rights Reserved. Design & Develop By: Indesign Media Pvt. Ltd.