पाथीभरा केबलकार निर्माणविरुद्ध पुनः आन्दोलन घोषणा

Share this
670shares
मुलुकी खबर
मुलुकी खबर
clock२०८२ पुस १९, शनिबार १४:४४

ताप्लेजुङ । पाथीभरा (मुक्कुमलुङ) क्षेत्रमा केबलकार निर्माणको विरोध गर्दै आएको संयुक्त संघर्ष समितिले पुनः आन्दोलनका कार्यक्रम सार्वजनिक गरेको छ। ताप्लेजुङको फुङलिङ र ललितपुरमा एकसाथ पत्रकार सम्मेलन गर्दै समितिले पुस २२ गतेदेखि माघ मसान्तसम्मका विरोधका कार्यक्रम घोषणा गरेको हो।

घोषित कार्यक्रम अनुसार पुस २२ देखि विभिन्न जिल्लामा भेला तथा छलफल गरिनेछ भने माघ १२ गते पूर्वी नेपालका मुख्य बजारहरूमा कोणसभा आयोजना गरिनेछ। माघ १६ गते फुङलिङ बजारमा जनप्रदर्शन, १७ गते घाइतेहरूको सम्मान र १८ गते कान्छीथानदेखि मन्दिरसम्म धागो टाँग्ने कार्यक्रम तय गरिएको छ। यस्तै, माघ १९ गते पाथीभरा क्षेत्रमा प्रदर्शन गरी २० गतेदेखि मसान्तसम्म केबलकार खारेजी र मुक्कुमलुङ संरक्षणको मुद्दालाई निर्वाचनको एजेन्डा बनाएर गाउँबस्तीमा अभियान चलाउने समितिले जनाएको छ।

केबलकार खारेजी संयुक्त संघर्ष समितिका अध्यक्ष खगेन्द्र फेम्बु लिम्बूले मन्त्रिपरिषद्‍बाटै केबलकार निर्माणको निर्णय खारेज हुनुपर्ने मुख्य माग राखेका छन्। आन्दोलनको विज्ञप्तिमा राजेन्द्र महतो नेतृत्वको राष्ट्रिय मुक्ति पार्टी, संघीय लोकतान्त्रिक राष्ट्रिय मञ्च, पहिचानवादी मोर्चा र नागरिक उन्मुक्ति पार्टीसहित ९ वटा राजनीतिक दल र किरात याक्थुङ चुम्लुङ, किरात राई यायोक्खा लगायत १५ वटा जातीय तथा सामाजिक संस्थाहरूले हस्ताक्षर गरेका छन्। उनीहरूले केबलकार निर्माणको काम अघि बढे पनि सञ्चालन हुन नदिने चेतावनी दिएका छन्।

तपाइको प्रतिक्रिया
इलामको टोड्केमा वार्षिक एक करोड २० लाखको टमाटर उत्पादन
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
© 2024 Muluki Khabar. All Rights Reserved. Design & Develop By: Indesign Media Pvt. Ltd.