पश्चिमी वायु र चिसोको दोहोरो असर : पहाडमा हल्का वर्षा एवं हिमपात, तराईमा हुस्सु

Share this
783shares
मुलुकी खबर
मुलुकी खबर
clock२०८२ पुस २०, आइतबार ०६:४२

काठमाडौं । देशभर अहिले पश्चिमी वायुको प्रभाव कायम रहँदा मौसममा चिसोपन बढेको छ । देशमा पश्चिमी वायु र चिसोको दोहोरो असर परेको छ ।

मौसम पूर्वानुमान महाशाखाका अनुसार आज (आइतबार) बिहान पहाडी र हिमाली भू–भागमा आंशिक बदली देखिएको छ भने बाँकी भू–भागमा मौसम मुख्यतया सफा रहेको छ । तराईका अधिकांश स्थानमा हुस्सु र कुहिरोले जनजीवन प्रभावित बनाएको छ ।

कोशी, गण्डकी र कर्णाली प्रदेशका उच्च पहाडी तथा हिमाली भू–भागका १–२ स्थानमा आइतबार हल्का वर्षासहित हिमपातको सम्भावना रहेको महाशाखाले जनाएको छ । दिउँसो र राति तराई भू–भागमा हुस्सु लाग्ने सम्भावना रहेकाले हवाई तथा सडक यातायातमा आंशिक असर पर्न सक्ने देखिएको छ ।

यसैबीच, स्वास्थ्य तथा जनसंख्या मन्त्रालयले अत्यधिक चिसोका कारण स्वास्थ्य जोखिम बढ्न सक्ने भन्दै अत्यावश्यक कामबाहेक बाहिर ननिस्कन सर्वसाधारणलाई आग्रह गरेको छ । मन्त्रालयका प्रवक्ता डा. प्रकाश बुढाथोकीका अनुसार चिसोका कारण रुघाखोकी, ज्वरो, दम बढ्ने, सास फेर्न गाह्रो हुने तथा हाइपोथर्मियाजस्ता समस्या देखिन थालेका छन् ।

विशेषगरी बालबालिका, गर्भवती महिला, वृद्धवृद्धा र दीर्घरोगी बढी जोखिममा रहने भएकाले न्यानो लुगा लगाउन, धुवाँधुलोबाट जोगिन, पोषणयुक्त खाना खान र आवश्यक परे नजिकैको स्वास्थ्य संस्थामा सम्पर्क गर्न मन्त्रालयले अनुरोध गरेको छ । चिसो र हुस्सुको संयुक्त प्रभावले जनजीवन, पर्यटन र स्वास्थ्य क्षेत्रमा असर पार्न सक्ने भएकाले आवश्यक सतर्कता अपनाउन सबैलाई सचेत गराइएको छ ।

तपाइको प्रतिक्रिया
मंसिर ९ गतेदेखि आत्मानन्द गोल्डकप, ८ टिमको सहभागिता
इलामको टोड्केमा वार्षिक एक करोड २० लाखको टमाटर उत्पादन
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
© 2024 Muluki Khabar. All Rights Reserved. Design & Develop By: Indesign Media Pvt. Ltd.