
विराटनगर । उदयपुरको त्रियुगा नगरपालिका-७ होक्सेमा आइतबार राति ट्याक्टर दुर्घटना हुँदा दुई जनाको मृत्यु भएको छ। होक्सेबाट चुहाडेतर्फ आउँदै गरेको स १ त २८२५ नम्बरको ट्याक्टर अनियन्त्रित भई दुर्घटना हुँदा त्रियुगा नगरपालिका-६ जलजलेका ४३ वर्षीय राजा हुसेन अली र सोही ठाउँकी २६ वर्षीया आशा सदाको ज्यान गएको हो। जिल्ला अस्पताल उदयपुरमा उपचारका क्रममा उनीहरूको मृत्यु भएको हो।
दुर्घटनामा घाइते भएका अर्का एक जनालाई थप उपचारका लागि विराटनगरस्थित न्यूरो अस्पताल पठाइएको छ। फरार ट्याक्टर चालकको खोजी हुनुका साथै घटनाबारे प्रहरीले आवश्यक अनुसन्धान गरिरहेको छ।

























