जेनजी आन्दोलनमा फरार साढे ४ हजार कैदीबन्दी अझै सम्पर्कविहीन

Share this
721shares
मुलुकी खबर
मुलुकी खबर
clock२०८२ पुस २१, सोमबार १६:२४

काठमाडौँ । गत भदौमा भएको ‘जेनजी’ आन्दोलनका क्रममा देशका विभिन्न कारागार र बाल सुधार गृहबाट फरार भएकामध्ये ४ हजार ५ सय ५४ जना कैदीबन्दी अझै फरार छन्। कारागार व्यवस्थापन विभागका अनुसार लामो समय बितिसक्दा पनि उनीहरू अझै कानुनी दायरामा आउन सकेका छैनन्।

विभागको पछिल्लो तथ्याङ्क अनुसार अझै फरार रहेकाहरूमा कारागारका ४ हजार २५० कैदी र बाल सुधार गृहका ३०४ जना रहेका छन्। आन्दोलनको चरम अवस्थामा सुरक्षा कमजोरीको फाइदा उठाउँदै देशभरका कारागारबाट १३ हजार ५ सय ८५ र बाल सुधार गृहबाट ९ सय ७४ गरी कुल १४ हजार ५ सय ५९ जना कैदीबन्दी फरार भएका थिए।

तीमध्ये हालसम्म ९ हजार ९ सय ८६ जना विभिन्न माध्यमबाट कारागार फिर्ता आएका छन्। केहीले स्वेच्छाले आत्मसमर्पण गरेका छन् भने केहीलाई सुरक्षा निकायले पुनः पक्राउ गरी बुझाएको हो। आन्दोलनका क्रममा कारागारबाट भाग्न खोज्दा भएका झडप र अन्य घटनामा परी १३ जना कैदी र ६ जना बाल सुधार गृहका गरी कुल १९ जनाको मृत्यु भएको विभागले जनाएको छ।

सरकारले फरार रहेका बाँकी कैदीबन्दीको खोजीका लागि देशभरका सुरक्षा निकायलाई ‘अलर्ट’ राखेको छ। उनीहरूले सरकारी सेवा प्राप्त गर्न नसक्ने गरी विवरण सार्वजनिक गर्ने र खोजी कार्यलाई थप तीव्र बनाउने तयारी विभागले गरेको छ।

तपाइको प्रतिक्रिया
मंसिर ९ गतेदेखि आत्मानन्द गोल्डकप, ८ टिमको सहभागिता
इलामको टोड्केमा वार्षिक एक करोड २० लाखको टमाटर उत्पादन
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
© 2024 Muluki Khabar. All Rights Reserved. Design & Develop By: Indesign Media Pvt. Ltd.