भारतबाट इलेक्ट्रोनिक चिप्स तस्करी, विराटनगरमा बरामद

Share this
617shares
मुलुकी खबर
मुलुकी खबर
clock२०८२ माघ २२, बिहीबार १७:५९

विराटनगर । भारतबाट सुरक्षाकर्मीको आँखा छलेर इलेक्ट्रोनिक चिप्स तस्करी हुने गरेको पाइएको छ । अवैध रूपमा नेपाल भित्र्याइँदै गरिएको ठूलो परिमाणको चिप्स प्रहरीले विराटनगरमा बरामद गरेको छ ।

विराटनगर महानगरपालिका–१७ मटेरुवा इस्लामपुरबाट माघ १९ गते चिप्स बरामद भएको हो । विशेष सूचनाका आधारमा चिप्स नियन्त्रणमा लिन इलाका प्रहरी कार्यालय रानी र अस्थायी प्रहरी पोस्ट मटेरुवाबाट खटिएको टोली खटिएको थियो ।

मोरङ प्रहरीका डीएसपी लीलाराज लामिछानेका अनुसार भारतबाट नेपालतर्फ ल्याइँदै गरिएको २ हजार ३ सय ३० थान चिप्स बरामद गरिएको छ । उक्त चिप्स एउटाको मूल्य २ सय ५० रूपैयाँभन्दा बढी पर्ने प्रहरीको भनाइ छ ।

डीएसपी लामिछानेले भारतको जोगवनीबाट ल्याउँदै गर्दा ५ लाख ८२ हजार ५ सय रूपैयाँभन्दा बढीको चिप्स नियन्त्रणमा लिएर आवश्यक अनुसन्धान एवं कारबाहीका लागि विराटनगर भन्सार कार्यालयमा बुझाइएको जानकारी दिए । उनका अनुसार उक्त चिप्स लेक्ट्रोनिक डिभाइसको ब्राण्ड परिवर्तन गर्न प्रयोग हुने गरेको पाइएको छ ।

चिप्सको प्रयोग गरेर मोबाइल, ट्याबलेट, ल्यापटप तथा अन्य इलेक्ट्रोनिक उपकरणको वास्तविक ब्राण्ड परिवर्तन गर्ने गरिएको पत्ता लागेको छ । ब्राण्ड परिवर्तन गरेर इलेक्ट्रोनिक उपकरण महँगो मूल्यमा बिक्री गर्ने गरिएको प्रहरीको प्रारम्भिक अनुसन्धानबाट खुलेको हो ।

बाहिरबाट हेर्दा सानो र सामान्य देखिए पनि यस्ता चिप्सको दुरुपयोग भएमा उपभोक्ता ठगी, नक्कली ब्राण्डको कारोबार र ठूलो मात्रामा राजस्व चुहावट हुने जोखिम रहेको प्रहरीको भनाइ छ ।

अर्को महत्वपूर्ण कुरा चिप्स सामान्य हिसाबले बोरामा प्याक गरेर नेपाल भित्राइएको थियो । सुरुमा प्रहरीले सामान्य कबाडीका सामान होलान् भन्ने ठानेको थियो । तर, चिप्सले भरिएको बोरा फालेर ओसारपसारमा संलग्न फरार भएपछि घटना शंकास्पद बन्यो ।

नियन्त्रणमा लिएर प्राविधिक पक्ष बुझ्न कबाडी भनिएको सामान इलेक्ट्रोनिक उपकरणको वास्तविक ब्राण्ड परिवर्तन गर्न प्रयोग हुने चिप्स रहेको पत्ता लागेको हो । नेपाल–भारत सीमा क्षेत्रमा खटिएका सुरक्षाकर्मीलाई छल्न सजिलो होस् भनेर कबाडीका सामान ओसारपसार गरेजस्तो देखाएर चिप्सको अवैध ओसारपसार गर्ने गरिएको डीएसपी लामिछानेको भनाइ छ ।

उनका अनुसार चिप्स तस्करीमा संलग्नको पहिचान हुन सकिरहेको छैन । पहिचानको प्रयास गर्दै खोजी तीव्र पारिएको जानकारी लामिछानेले दिए । विराटनगरका कुनै व्यापारीले चिप्स तस्करी गराएको हुनसक्ने प्रहरीको आशंका छ ।

यस विषयमा इलाका प्रहरी कार्यालय रानीका इन्स्पेक्टर कविन राई नेतृत्वको टोलीले थप अनुसन्धान गरिरहेको छ । प्रहरीका अनुसार यस्ता महत्वपूर्ण तर, सजिलै लुकाउन सकिने सामान भन्सार छली गरेर भित्राउने प्रवृत्ति पछिल्लो समय बढ्दो छ ।

तपाइको प्रतिक्रिया
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
© 2024 Muluki Khabar. All Rights Reserved. Design & Develop By: Indesign Media Pvt. Ltd.