२०८२ चैत्र २५, बुधबार ०७:३७
झापा । झापाको कमल गाउँपालिका–६ का २४ वर्षीय नवराज भट्टराई पक्राउ परेका छन् । प्रहरीले उनलाई मेचीनगर नगरपालिका–६ बाट मंगलबार दिउँसो पक्राउ गरेको हो ।
लागुऔष्ध नियन्त्रण ब्यूरो काँकडभिट्टाको टोलीले पैदल नै हिँडिरहेका बेला भट्टराईलाई नियन्त्रणमा लिएर शरीर खानतलासी गरेको थियो । त्यस क्रममा उनको साथबाट लागुऔषध ब्राउन सुगर (खैरो हेरोइन) ६ ग्राम ७५० मिलिग्राम बरामद भएको प्रहरीले जनाएको छ ।
भट्टराईलाई इलाका प्रहरी कार्यालय काँकडभिट्टामा राखेर थप अनुसन्धान अघि बढाइएको प्रहरीले जनाएको छ । उनीविरुद्ध लागुऔषध ऐनअन्तर्गतको मुद्दा चलाउने प्रहरीको तयारी छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
