ससुराली गाउँका युवाहरुको आक्रमणबाट एक जनाको मृत्यु

Share this
666shares
मुलुकी खबर
मुलुकी खबर
clock२०८२ चैत २५, बुधबार ११:२४

भोजपुर । भोजपुरको षडानन्द नगरपालिका–१३ रेवामा सामूहिक आक्रमणबाट एक जना युवकको मृत्यु भएको छ ।

प्रहरीका अनुसार आक्रमणबाट षडानन्द–१३ मुखियाटोल घर भएका २४ वर्षीय सम्मरबहादुर तामाङको ज्यान गएको हो । उनी विगत १२–१३ वर्षदेखि रेवास्थित आफ्नो सानोबुवाको घरमा बस्दै आएका थिए ।

उनीमाथि ससुराली गाउँका युवाहरुले मंगलबार राति ९ बजेतिर सामूहिक आक्रमण गरेको भोजपुर प्रहरीका सूचना अधिकारी इन्स्पेक्टर महेन्द्र पराजुलीले बताए । कुटपिटबाट सम्मरबहादुरको घटनास्थलमै मृत्यु भएको थियो ।

पराजुलीका अनुसार कुटपिटमा संलग्नहरु षडानन्द–१४ बेखम्चाका चन्द्रकुमार राई, २१ वर्षीय सुनील राई, २७ वर्षीय सुरज राई र २६ वर्षीय राजेश दर्जीलाई पक्राउ गरिसकिएको छ । घटनापछि फरार रहेका सबै जना बुधबार बिहानका राति पक्राउ परेका हुन् । साथै, सम्मरबहादुरकी पत्नी १९ वर्षीया स्वस्तिका राईलाई पनि प्रहरीले पक्राउ गरेको छ ।

पारिवारिक खटपटका कारण घटना भएको पाइएको प्रहरीले जनाएको छ । प्रहरीका अनुसार मंगलबार साँझ पनि सम्मरबहादुर र उनकी श्रीमती स्वस्तिकाबीच झगडा भएको पाइएको छ । झगडा हुनसाथ स्वस्तिकाले माइती गाउँमा खबर गरिन् । त्यसपछि आक्रोशित बनेर पुगेका युवाहरुको आक्रमणबाट सम्मरबहादुरको घटनास्थलमै मृत्यु भएको प्रहरीको भनाइ छ ।

प्रहरी नियन्त्रणमा रहेकी स्वस्तिकाले यसअघि पनि मादिर सेवन गरेर श्रीमान सम्मरबहादुरले बारम्बार कुटपिट गर्ने गरेको बताएकी छन् । इलाका प्रहरी कार्यालय दिङ्लाका इन्स्पेक्टर नवराज खड्का नेतृत्वको टोलीले घटनाको थप अनुसन्धान गरिरहेको छ ।

तपाइको प्रतिक्रिया
प्रहरीको नाममा भ्रामक सूचना फैलाउने दुई जना नियन्त्रणमा पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
सिन्धुलीमा ढुंगाको लोहोरो प्रहार गरी श्रीमतीको हत्या, श्रीमान् पक्राउ
नोबेल मेडिकल कलेज छैटौँ पटक उत्कृष्ट करदाता सम्मानबाट सम्मानित
रुसी खगोल विज्ञान ओलम्पियाडमा एभरेस्टकी स्नेहालाई कांस्य
सुनसरीलाई सीसीटीभी निगरानीमा राख्ने योजना, २५० वटा जडान गरिँदै
दानबहादुर कार्कीको रिटमा बुधबार सर्वोच्चमा सुनुवाइ हुँदै
विराटनगरमा राति २ बजेसम्म व्यवसाय खोल्न पाइने, अनुमति प्रक्रिया सुरु
भारतीयका परिवार नै मिलेर नेपालमा लागुऔषध ‘सप्लाई’ : मोरङको रंगेलीबाट बुवा, आमा र छोरा पक्राउ
थाइल्यान्डमा एक भवनमा भीषण आगलागी, ११ जनाको मृत्यु
‘साउदीको अमेजनका गोदाममा नेपालीसहितका श्रमिक शोषणमा’
© 2024 Muluki Khabar. All Rights Reserved. Design & Develop By: Indesign Media Pvt. Ltd.