२०८३ वैशाख ४, शुक्रबार ०९:०३
जनकपुर । धनुषाको मिथिला नगरपालिका–७ ढल्केबरस्थित जनकपुर रिफाइनरीमा गए राति भीषण आगलागी भएको छ ।आगलागीबाट उद्योगमा करिब १५ करोड रुपैयाँ बराबरको धनमाल क्षति भएको प्रारम्भिक अनुमान गरिएको प्रहरीले जनाएको छ ।
रिफाइनरीका प्रबन्धक सञ्जय गुप्ताका अनुसार आगलागीका कारण उद्योगमा जडान गरिएका बहुमूल्य स्टिम र थर्मोफुल मेसिनहरू जलेर पूर्ण रूपमा नष्ट भएका छन् ।
आगलागी सुरु भए लगत्तै जनकपुर, महेन्द्रनगर र ढल्केबरबाट ५ वटा वारुणयन्त्र घटनास्थल पुगेको थियो । नेपाल प्रहरी, सशस्त्र प्रहरी बल, नेपाली सेना र स्थानीयको प्रयासमा करिब दुई घण्टापछि आगो नियन्त्रणमा लिइएको थियो ।
आगलागीको कारण अझै खुल्न नसकेको प्रहरीले जनाएको छ । क्षतिको पूर्ण र विस्तृत विवरण संकलन गर्न अझै केही दिन लाग्ने प्रहरीले जनाएको छ । घटनाबारे थप अनुसन्धान भइरहेको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
