एमाले सचिव शेरधन राईलाई मातृशोक

विराटनगर । कोशी प्रदेशका प्रथम मुख्यमन्त्री तथा नेकपा (एमाले) का केन्द्रीय कमिटी सचिव शेरधन राईकी माता राम्रीमाया राईको ८१ वर्षको उमेरमा निधन भएको छ ।

केही समयदेखि अस्वस्थ रहेकी राईको काठमाडौंमा उपचारका क्रममा शनिबार निधन भएको हो ।

राजनीतिक र सामाजिक रूपमा प्रभावशाली राईकी माताको निधनप्रति विभिन्न राजनीतिक दलका नेता, कार्यकर्ता र शुभचिन्तकहरूले दुःख व्यक्त गर्दै श्रद्धाञ्जली अर्पण गरिरहेका छन् ।