२०८३ जेष्ठ ४, सोमबार १०:०६
झापा । झापाको मेचीनगर नगरपालिका–१३ कालीरोडस्थित एक एग्रो उद्योगमा आइतबार राति आगलागी भएको छ ।
बिर्तामोड नगरपालिका–३ का दीपेन्द्रकुमार अग्रवालद्वारा सञ्चालित ‘मित्तल एग्रो प्रालि’ मा आइतबार राति ८ः३० बजेतिर अचानक आगलागी भएको प्रहरीले जनाएको छ ।
उद्योगमा आगलागी भएको खबर प्राप्त हुनासाथ प्रहरी चौकी चारआलीको प्रहरी टोली घटनास्थल पुगेको थियो। प्रहरी र फ्याक्ट्रीका कामदारहरूको संयुक्त प्रयासमा राति ९ बजेतिर आगो पूर्ण रूपमा नियन्त्रणमा लिइएको थियो ।
आगलागीबाट चामल तथा मकैको च्याँख्ला बनाउने मेसिन पूर्ण रूपमा जलेर नष्ट भएको प्रहरीले जनाएको छ। प्रारम्भिक अनुसन्धानबाट करिब ६ लाख रुपैयाँ बराबरको भौतिक क्षति भएको प्रहरीले जनाएको छ। घटनामा कुनै मानवीय वा चौपाया क्षति भने नभएको प्रहरीले पुष्टि गरेको छ। आगलागी कसरी भयो भन्नेबारे थप अनुसन्धान भइरहेको प्रहरीले जनाएको छ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
