एसइई कपको क्वाटरफाइनलमा महेन्द्र, कोशी मोडेल र आदर्श मावि 

विराटनगर । विराटनगरमा जारी ५ औँ एसइई कप अन्तर विद्यालय स्तरीय रनिङ शिल्ड फुटबल प्रतियोगितामा महेन्द्र मावि, कोशी मोडेल र आदर्श मावि विजयी हुँदै क्वाटरफाइनलमा प्रवेश गरेका छन् । पोखरिया युथ केयर एकेडेमीको आयोजना तथा विराटनगर महानगरपालिका–१ को सहकार्यमा परोपकार खेल मैदानमा बिहीबार तीन खेलहरू सम्पन्न भए ।

प्रतियोगिताको पहिलो खेलमा महेन्द्र माविले सत्यनारायण माविलाई ३–१ गोलमा पराजित गर्दै अन्तिम आठमा स्थान सुरक्षित गर्‍यो । महेन्द्र माविका लागि प्लेयर अफ द म्याच विवेक खड्काले २ दुई गोल गरे भने अंकुश तामाङले १ गोल गरे । सत्यनारायण माविका लागि सुमन राजवंशीले एक गोल फर्काए  ।

दोस्रो खेलमा कोशी मोडेल स्कुलले सनसाइन स्कुललाई ३–१ गोलमा पराजित गर्दै क्वाटरफाइनलमा पुगेको हो । कोशीका लागि भेषराज माझी र सुमित सिंहले गोल गरेका थिएन सनसाइनका लागि सुशान्त फुयाँल र आदित्य माझीले समान १–१ गोल गरे । सनसाइनका खेलाडीबाट आत्मघाती गोल गरेपछि कोशीले जित निकाल्न सफल भयो । खेलको प्लेयर अफ द म्याच कोशीका निरज चौधरी भए ।

त्यस्तै, दिनको अन्तिम खेलमा आदर्श माविले इटहरीको सनसाइन स्कुललाई १–० गोलमा हराउँदै क्वाटरफाइनलको यात्रा तय गर्‍यो । आदर्शका लागि निर्णायक गोल कृष्ण यादवले गरे । खेलको प्लेयर अफ द म्याच आदर्शका योगेश राजवंशी भए ।

प्रतियोगिताअन्तर्गत शुक्रबारको पहिलो खेल टंकीसनवारीको नरग्राम मावि र झोराहाटको शारदा मावि तथा दोस्रो खेल डनबस्को बोर्डिङ स्कुल र एजेलिया बोर्डिङ स्कुलबीच प्रतिस्पर्धा हुने आयोजकले जनाएको छ ।