
काठमाडौं । साताको पहिलो दिन आइतबार (आज) नेपाली बजारमा सुनचाँदीको मूल्य घटेको छ । बजार खुलेको पहिलो दिन सुन प्रतितोलामा ८ हजार २ सय रुपैयाँले कमी आएको छ ।
साताको अन्तिम दिन शुक्रबार बजारमा सुन प्रतितोला ३ लाख ९ हजार रुपैयाँमा कारोबार भएको थियो । तर, आज मूल्य घटेर प्रतितोला ३ लाख ८ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।
त्यस्तै, चाँदी प्रतितोला ३ सय ३५ रुपैयाँले घटेको छ । शुक्रबार बजारमा चाँदी प्रतितोलाको ५ हजार २ सय ३० रुपैयाँमा कारोबार भएको थियो । आइतबार चाँदी प्रतितोला ४ हजार ८ सय ९५ रुपैयाँ कायम भएको महासंघले जनाएको छ ।

























