क्षयरोगीलाई पोषणयुक्त खाद्यान्न वितरण: औषधिसँगै आहारको पनि सहारा

Share this
678shares
मुलुकी खबर
मुलुकी खबर
clock२०८३ असार २२, सोमबार ०९:५८
क्षयरोगीलाई पोषणयुक्त खाद्यान्न वितरण: औषधिसँगै आहारको पनि सहारा

विराटनगर । विराटनगरमा उपचाररत क्षयरोगका बिरामीहरूलाई पोषणयुक्त खाद्यान्न वितरण गरिएको छ । नेपाल क्षयरोग निवारण संस्था (नाटा) ले ‘क्षयरोगका बिरामीहरूलाई उपचारको ६ महिना अवधिभर पोषण खाद्यान्न सहयोग कार्यक्रम २०२६’ अन्तर्गत बिरामीहरूलाई राहत सामग्री वितरण गरेको हो ।

गत फागुन महिनादेखि सञ्चालनमा आएको यस कार्यक्रममार्फत हाल ८ जना अति विपन्न क्षयरोगीहरूले नियमित रूपमा पोषणयुक्त खाद्यान्न प्राप्त गरिरहेका छन् । बिरामीको स्वास्थ्य अवस्था सुधार्न र औषधिको प्रभावकारिता बढाउनका लागि वितरण गरिएको खाद्यान्न प्याकेजमा प्रदान गरिएको छ । बिरामीहरूलाई २५ केजी चामल, दाल, चना, १ क्रेट अण्डा, न्युटेला (सोयाबिन), खाने तेल र सर्वोत्तम पिठो वितरण गरिएको हो ।

यो कार्यक्रमलाई बीएनएमटी नेपाल र सावित्रा बस्न्यात फन्ड फर टीबीले आर्थिक तथा प्राविधिक सहयोग उपलब्ध गराउँदै आएका छन् ।

कार्यक्रममा बोल्दै बीएनएमटीका कार्यक्रम संयोजक रामप्रसाद कोइरालाले नाटाबाट औषधि उपचार गराइरहेका गरिब तथा विपन्न बिरामीहरूलाई छनोट गरी खाद्यान्न वितरण गरिएको बताए । ‘क्षयरोगको औषधि सेवन गरेपछि शरीरलाई तागतिलो खानाको आवश्यकता पर्छ । पैसाको अभावमा खाना खान नपाएर बिरामीले औषधि नछोडुन् भन्ने उद्देश्यले हामीले यो सहयोग सुरु गरेका हौँ,’ कोइरालाले भने ।

त्यस्तै, नाटाका केन्द्रीय कार्यवाहक अध्यक्ष राजन श्रेष्ठले विगत ४०–४५ वर्षदेखि नाटा र बीएनएमटीबीच सहकार्य हुँदै आएको स्मरण गराए । उनले न्यून आय भएका व्यक्तिले पोषणयुक्त खाना खान पाएमा रोग चाँडै निको हुने र औषधि सेवनमा निरन्तरता रहने विश्वास व्यक्त गरे ।

नाटा मोरङका कार्यवाहक अध्यक्ष भैरव क्षेत्रीले बीएनएमटीसँगको यो ऐतिहासिक सहकार्य आगामी दिनमा पनि निरन्तर रहने बताए ।

क्षयरोग निवारणका लागि औषधि मात्र पर्याप्त नहुने र उचित खानपानको पनि उत्तिकै भूमिका हुने भएकाले यस कार्यक्रमले बिरामीहरूलाई ठुलो राहत पुगेको छ ।

तपाइको प्रतिक्रिया
अन्तर्राष्ट्रिय विद्यार्थी दिवस: साहस र अधिकार सम्झाउने दिन
मंसिर ९ गतेदेखि आत्मानन्द गोल्डकप, ८ टिमको सहभागिता
इलामको टोड्केमा वार्षिक एक करोड २० लाखको टमाटर उत्पादन
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
© 2024 Muluki Khabar. All Rights Reserved. Design & Develop By: Indesign Media Pvt. Ltd.