२०८३ श्रावण १, शुक्रबार ०९:४६
काठमाडौं । जिल्ला अदालत काठमाडौंले व्यवसायी दीपक भट्ट र सुलभ अग्रवाललाई बीमा तथा धितोपत्रसम्बन्धी तीन मुद्दामा धरौटीमा छाड्न आदेश दिएको छ ।
न्यायाधीश शिवप्रसाद आचार्यको इजलासले अग्रवालसँग पाँच करोड ८० लाख रुपैयाँ र भट्टसँग दुई करोड ५० लाख रुपैयाँ धरौटी माग गरेको हो । अदालतले बीमा ऐनअन्तर्गतको मुद्दामा अग्रवालसँग दुई करोड र भट्टसँग एक करोड ५० लाख रुपैयाँ धरौटी तोकेको छ ।
यस्तै, धितोपत्रसम्बन्धी एक मुद्दामा अग्रवालसँग दुई करोड ३० लाख रुपैयाँ तथा अर्को धितोपत्रसम्बन्धी मुद्दामा अग्रवालसँग एक करोड ५० लाख र भट्टसँग एक करोड रुपैयाँ धरौटी मागिएको छ ।
यद्यपि, सम्पत्ति शुद्धीकरणसम्बन्धी मुद्दामा विशेष अदालतले यसअघि नै दुवैलाई पुर्पक्षका लागि थुनामा पठाएकाले जिल्ला अदालतले धरौटीमा छाड्ने आदेश दिए पनि उनीहरू तत्काल रिहा हुने छैनन् ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
