नयाँ आर्थिक वर्षको पहिलो दिन सुनचाँदीको मूल्यमा उच्च गिरावट

विराटनगर । नयाँ आर्थिक वर्ष २०८३–०८४ को पहिलो दिन आज (शुक्रबार) नेपाली बजारमा सुनचाँदीको मूल्यमा उच्च गिरावट आएको छ । नयाँ आर्थिक वर्ष सुरु भएको र साउन महिनाको पहिलो दिन सुनचाँदीको भाउ घटेको हो ।

नेपाल सुनचाँदी व्यवसायी महासंघका अनुसार सुनको मूल्य प्रतितोला ३ हजार १ सय रूपैयाँले घटेको छ । भाउ घटेसँगै सुनको मूल्य तोलाको २ लाख ८२ हजार १ सय रूपैयाँ कायम भएको छ । सुनको मूल्य बिहीबार प्रतितोला २ लाख ८५ हजार २ सय रूपैयाँ थियो ।

त्यस्तै, चाँदीको मूल्य तोलाको १ सय २५ रूपैयाँले घटेको छ । भाउ घटेसँगै चाँदीको मूल्य प्रतितोला ४ हजार २ सय रूपैयाँ कायम भएको छ । चाँदीको मूल्य बिहीबार ४ हजार ३ सय २५ रूपैयाँ थियो ।