किभ नजान र सहर छाड्न विदेशी नागरिकलाई रुसको चेतावनी

Share this
725shares
मुलुकी खबर
मुलुकी खबर
clock२०८३ असोज १८, आइतबार ०९:५३

एजेन्सी । रुसले युक्रेनको राजधानी किभमा रहेका विदेशी नागरिक र कूटनीतिज्ञलाई सहर छोड्न र युक्रेनको यात्रा नगर्न चेतावनी दिएको छ ।

साथै, किभका स्थानीय बासिन्दालाई सैन्य तथा प्रशासनिक केन्द्रबाट टाढा रहन रुसले सल्लाह दिएको हो।

रुसी विदेश मन्त्रालयले शनिबार जारी गरेको विज्ञप्तिमा रुसले किभसहित अन्य युक्रेनी सहरमा रहेका सैन्य पूर्वाधारलाई लक्षित गर्दै निरन्तर आक्रमण जारी राख्ने बताएको छ। मन्त्रालयले युक्रेनी सेनाले रुसको नागरिक र पूर्वाधारविरुद्ध गरेका ‘आतंकवादी कार्य’को प्रतिक्रियाका रूपमा यस्ता आक्रमण जारी राख्ने बताएको हो।

चेतावनी बेवास्ता गर्दा हुन सक्ने कुनै पनि प्रतिकूल परिणामको जिम्मेवारी सम्बन्धित व्यक्तिमै रहने मस्कोले चेतावनी दिएको छ।

यसअघि, रुसले मे २५ मा विदेशी साझेदारलाई पठाएको कूटनीतिक नोटमार्फत पनि यस्तो चेतावनी दिएको थियो। त्यसपछि मे २७ मा उप विदेश मन्त्री मिखाइल गालुजिनले कूटनीतिक नियोगका प्रतिनिधिका लागि गरेको ब्रिफिङमा यो विषय दोहोर्‍याएका थिए।

रुसी विदेश मन्त्रालयले अमेरिका, बेलायत, युरोपेली संघका सदस्य राष्ट्र, नर्वे र स्विजरल्याण्डलगायत धेरै देशले पनि आफ्ना नागरिकलाई युक्रेनको यात्रा नगर्न पटक(पटक सल्लाह दिँदै आएको बताएको छ।

किभमा धेरै विदेशी दूतावास सञ्चालनमा छन् र विदेशी अधिकारीहरू युक्रेन भ्रमण गरिरहेका छन्। रुसले यस्तो चेतावनी बेवास्ता गर्नेहरूले जानाजानी आफूलाई जोखिममा पारिरहेको बताएको छ।

यसैबिच, युक्रेनमा पछिल्ला रुसी आक्रमणमा कम्तीमा छ जनाको मृत्यु भएको छ। किभको नर्दर्न ब्रिजमा क्षति पुगेपछि यातायात रोकिएको छ। दुई दिनको आक्रमणका कारण डिनिप्रो नदीमाथिका किभका छ सडक पुलमध्ये ३ वटा पूर्ण वा आंशिक रूपमा बन्द भएका छन्।

रुसी विदेश मन्त्रालयले रुसको सशस्त्र बलले किभ र अन्य युक्रेनी सहरमा ‘ठुला प्रतिशोधात्मक हमला’ जारी राख्ने जनाएको छ।

तपाइको प्रतिक्रिया
कमिल मिशाराको शतकमा चितवन दोस्रो क्वालिफायरमा
अपांगता समावेशी विकासमा सरकारी प्रयास पर्याप्त भएनन्, कार्यान्वयनमै चुनौती
बेलबारीमा बाँसघारीभित्र जुवाखाल, प्रहरीले हान्यो छापा
निर्माण व्यवसायी महासंघ कोशीको अध्यक्षमा केशरकुमार बुढाथोकीको उम्मेदवारी, यस्तो छ प्यानल
प्रधानमन्त्रीका प्रमुख राजनीतिक सल्लाहकार बेनविरुद्ध प्रहरीमा जाहेरी
प्रहरीले ओलीको दाबी खण्डन गर्दै भन्यो, ‘कसैलाई थुन्ने अभिव्यक्ति दिएको छैन’
कांग्रेस विभाजित भइसकेको लेखकको स्वीकारोक्ति
झापादेखि कञ्चनपुरसम्मका किसानबाट डेढ लाख क्विन्टल धान किन्ने तयारी
‘गृहमन्त्रीकी आमा’ भन्दै भिडियो पोस्ट गर्ने तीन जना पक्राउ
विराटनगरमा स्व. गोल्छाको स्मृतिमा उद्योगी–व्यवसायीले गरे सम्मान तथा सहयोग
© 2024 Muluki Khabar. All Rights Reserved. Design & Develop By: Indesign Media Pvt. Ltd.