कांग्रेसको नयाँ नेतृत्वका लागि कागजी मतदान

काठमाडौं । नेपाली कांग्रेसको १५ औँ महाधिवेशन आइतबार (आज) काठमाडौंको खुलामञ्चमा सुरु हुँदैछ । महाधिवेशनले पार्टीको नयाँ नेतृत्वसहित कार्यसमिति चयन गर्नेछ । नेतृत्व चयनका लागि यस पटक विद्युतीय मतदान नहुने भएको छ। मतदान विद्युतीय मेसिनमार्फत नभई कागजी मतपत्रबाट गराउने तयारी गरिएको छ ।

नयाँ नेतृत्व तथा कार्यसमिति चयनका लागि सोमबार (भोलि) देखि उम्मेदवारी दर्ता प्रक्रिया सुरु गर्ने कार्य तालिका रहेको छ । उम्मेदवारी दर्तापछि निर्वाचन प्रक्रिया अघि बढाइने कांग्रेसले जनाएको छ।

महाधिवेशनमा पार्टीका विभिन्न तहका प्रतिनिधिको सहभागिता रहनेछ । महाधिवेशनले कांग्रेसको आगामी नेतृत्व र राजनीतिक दिशाबारे महत्त्वपूर्ण निर्णय गर्ने अपेक्षा गरिएको छ ।