साताको पहिलो दिन सुनचाँदीको मूल्यमा वृद्धि

विराटनगर । साताको पहिलो दिन आइतबार (आज) नेपाली बजारमा सुनचाँदीको मूल्यमा सामान्य वृद्धि भएको छ । आज सुन प्रतितोला १ हजार ९ सय रुपैयाँ र चाँदी प्रतितोला ४० रुपैयाँले वृद्धि भएको हो ।

आइतबार बजारमा सुनको मूल्य प्रतितोला २ लाख ८४ हजार रुपैयाँ कायम भएको नेपाल सुनचाँदी व्यवसायी महासंघले जनाएको छ । साताको अन्तिम दिन शुक्रबार बजारमा सुन प्रतितोला २ लाख ८२ हजार १ सय रुपैयाँमा कारोबार भएको थियो ।

Advertisement

त्यस्तै, चाँदीको मूल्य आइतबार प्रतितोला ४ हजार २ सय ४० रुपैयाँ कायम भएको महासंघले जनाएको छ । शुक्रबार चाँदी प्रतितोला ४ हजार २ सय रुपैयाँमा कारोबार भएको महासंघले जनाएको छ ।