विराटनगरको काली मन्दिरको अतिक्रमित घरजग्गा फिर्ता, धर्मशाला बनाइने

Share this
753shares
मुलुकी खबर
मुलुकी खबर
clock२०८३ साउन ७, बिहीबार १३:५६

विराटनगर । विराटनगरको मुख्य बजारमा रहेको काली मन्दिरको अतिक्रमित जग्गा र भवन स्थानीय प्रशासनले खाली गराएको छ।  उच्च अदालत विराटनगरकाे फैसला कार्यान्वयन गर्दै जिल्ला प्रशासन कार्यालय मोरङले जग्गा र भवन खाली गरेकाे हाे ।

पुजारीले नै अतिक्रमण गरी घर बनाएकाे जग्गा र घर बिहीबार बिहान मन्दिर समितिलाई हस्तान्तरण गरिएको हो ।

विराटनगर मेनरोडस्थित मन्दिरको पश्चिमतर्फ रहेको करिब साढे १२ धुर जग्गा २०४२ सालको नापीका क्रममा तत्कालीन पुजारी केशवप्रसाद ढकालको नाममा दर्ता भएको थियो ।

 

पुजारीको निधनपछि उनकी श्रीमती उमादेवीले उक्त जग्गा बिक्री गर्न खोजेपछि मन्दिर समिति अदालत गएकाे थियाे ।  अदालतले जग्गा मन्दिरकै नाममा हुने फैसला गरेपछि प्रशासनले भवन खाली गराएको सहायक प्रमुख जिल्ला अधिकारी सरोजराज कोइरालाले जानकारी दिए ।

मन्दिर व्यवस्थापन समितिकी अध्यक्ष डा. मीनाक्षी नेपालका अनुसार अब उक्त भवनलाई मर्मत गरी ‘धर्मशाला’का रूपमा सञ्चालन गरिनेछ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.