निर्धारित समयअगावै सञ्चालनमा आयो कनकाई पुल

Share this
725shares
मुलुकी खबर
मुलुकी खबर
clock२०८३ कात्तिक ३०, सोमबार ११:३१

झापा । झापाको कनकाई नदीमाथि निर्माण गरिएको कनकाई पुल निर्धारित समयभन्दा अगावै सम्पन्न भई सञ्चालनमा आएको छ । पुल सञ्चालनमा आएसँगै शिवसताक्षी नगरपालिका र झापा गाउँपालिकाबीचको आवागमन सहज भएको छ ।

पुल निर्माणका लागि २०७९ पुस ११ गते ठेक्का सम्झौता भएको थियो । सम्झौताअनुसार २०८३ असोज १० गतेसम्म निर्माण सम्पन्न गर्नुपर्ने समयसीमा थियो । तर निर्माण कार्य निर्धारित समयभन्दा अगावै पूरा गरी पुल सञ्चालनमा ल्याइएको हो ।

पुल सञ्चालनमा आएपछि स्थानीय बासिन्दा, यात्रु तथा व्यवसायीलाई आवतजावतमा सहज भएको छ । यसअघि नदी वारपार गर्नुपर्ने कठिनाइ कम हुनुका साथै दुई स्थानीय तहबीचको सम्पर्क र आवागमनसमेत सहज बनेको छ ।

निर्धारित समयभन्दा अगावै आयोजना सम्पन्न हुनु पूर्वाधार निर्माणमा समयमै काम गर्ने संस्कृतिको सकारात्मक उदाहरण बनेको छ । यस्ता आयोजना समयमै सम्पन्न हुँदा राज्यको लगानीको प्रभावकारी उपयोग हुनुका साथै नागरिकले पनि समयमै सेवा र सुविधा पाउनेछन् ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.