देवानगन्ज घटनाका घाइतेलाई स्वास्थ्यमन्त्रीले भेटिन्, उपचारमा कमी हुन नदिने प्रतिबद्धता

Share this
679shares
मुलुकी खबर
मुलुकी खबर
clock२०८३ साउन १२, मंगलबार १९:३१

विराटनगर । स्वास्थ्य तथा खाद्य स्वच्छता मन्त्री निशा मेहताले सुनसरीको देवानगन्ज गाउँपालिका–३ कप्तानगन्जमा गोली लागेर घाइते भएकाहरुको स्वास्थ्य अवस्थाका बारेमा मंगलबार जानकारी लिएकी छन् ।

आइतबार रातिको हिंसात्मक घटनामा घाइते भई विभिन्न अस्पतालमा उपचाररत बिरामीहरूको स्वास्थ्य अवस्था बुझ्न उनी विराटनगर आएकी हुन् । गोली लागेर घाइते भएका नौ जनामध्ये चार–चार जनाको न्युरो अस्पताल र विराट नर्सिङ होम एवं एक जनाको नोबेल शिक्षण अस्पतालमा उपचार भइरहेको छ ।

मन्त्री मेहताले सबै अस्पताल पुगेर उपचाररत घाइतेहरूको स्वास्थ्य अवस्थाका बारेमा चिकित्सकसँग जानकारी लिएकी हुन् । उनले उपचारमा कुनै प्रकारको ढिलाइ वा कमी हुन नदिन अस्पताल प्रशासनलाई निर्देशन दिँदै उपचार व्यवस्थापनका विषयमा अस्पतालका पदाधिकारीसँग छलफल समेत गरिन् ।

अस्पतालमा उपचाररत घाइते र उनीहरूका परिवारसँग भेटघाट गर्दै मन्त्री मेहताले सरकारले उपचार, आवश्यक सहजीकरण तथा अन्य सहयोगमा कुनै कमी हुन नदिने प्रतिबद्धता व्यक्त गरिन् । गम्भीर अवस्थाका बिरामीहरूको उपचारलाई प्राथमिकतामा राखेर मन्त्रालयले प्रत्यक्ष रूपमा समन्वय गरिरहेको उनको भनाइ थियो ।

देवानगन्जको कप्तानगन्जमा घटना भएको जानकारी प्राप्त हुनासाथ मन्त्रालयले सम्बन्धित अस्पताल, जिल्ला प्रशासन कार्यालय, सुरक्षा निकाय तथा स्थानीय सरोकारवालासँग निरन्तर समन्वय गर्दै उपचारलाई प्रभावकारी बनाउन सरकारले आवश्यक पहल अघि बढाएको मन्त्री मेहताले बताइन् । मन्त्रालयले सबै घाइतेले सहज र गुणस्तरीय स्वास्थ्य सेवा पाउने सुनिश्चित गर्न उपचार प्रक्रियामा निरन्तर सहजीकरण गरिरहेको उनको भनाइ छ ।

तपाइको प्रतिक्रिया
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
© 2024 Muluki Khabar. All Rights Reserved. Design & Develop By: Indesign Media Pvt. Ltd.