२०८३ श्रावण १४, बिहीबार ०८:०५
विराटनगर । विराटनगर महानगरपालिका–५ प्रगतिटोलमा बुधबार राति एउटा भान्सा घरमा आगलागी हुँदा एक लाख रुपैयाँ बराबरको क्षति भएको छ ।
प्रहरीका अनुसार राति ११ः४५ बजेतिर पुदन रजकको टाटीबेरा लगाएर बनाएको र जस्ताको छाना भएको भान्साघरमा अचानक आगलागी भएको थियो । स्थानीय र विराटनगर महानगरपालिकाको दमकलको सहयोगमा केही समयपछि आगो नियन्त्रणमा लिइएको थियो ।
आगलागीबाट भान्साघरसहित घरभित्र रहेको अन्नपात र भाँडावर्तन जलेर नष्ट हुँदा करिब एक लाख रुपैयाँ बराबरको क्षति भएको छ । घटनामा कुनै मानवीय र चौपायाको क्षति भएको छैन । आगलागीको कारण खुल्न सकेको छैन । घटनाको अनुसन्धान भइरहेको प्रहरीले जनाएको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×