विराटनगरका उद्योगी प्रकाश मुन्दडाको घरमा प्रहरीको छापा 

Share this
710shares
मुलुकी खबर
मुलुकी खबर
clock२०८३ साउन १८, सोमबार ०८:०५
विराटनगरका उद्योगी प्रकाश मुन्दडाको घरमा प्रहरीको छापा 

विराटनगर । विराटनगरका प्रतिष्ठित उद्योगी तथा मोरङ व्यापार संघका पूर्वअध्यक्ष प्रकाश मुन्दडाको निवासमा प्रहरीले सोमबार (आज) बिहानै छापा मारेको छ । अवैध रूपमा ठुलो परिमाणमा नगद संचित गरी राखेको विशेष सूचनाका आधारमा प्रहरीले मुन्दडाको घर र कार्यालयलाई घेरा हाली खानतलासी सुरु गरेको हो ।

विराटनगर–७ स्थित मोरङ व्यापार संघको कार्यालय अगाडि रहेको मुन्दडाको निवासमा अहिले ठुलो संख्यामा प्रहरी परिचालन गरिएको छ । प्रहरीले मुन्दडाको घरलाई पूर्ण नियन्त्रणमा लिएर बाहिरी व्यक्ति र सवारीसाधनको आवतजावतमा समेत रोक लगाएको छ ।

प्रहरी स्रोतका अनुसार मुन्दडामाथि विगत लामो समयदेखि अवैध हुन्डी कारोबारमा संलग्न रहेको आरोप लाग्दै आएको थियो । यद्यपि, ती आरोपहरू हालसम्म कानुनी रूपमा पुष्टि भइसकेका छैनन् । आजको छापा पनि सोही अवैध कारोबार र लुकाइएको नगदसँग सम्बन्धित रहेको आशंका गरिएको छ ।

यो समाचार तयार पार्दासम्म प्रहरीले मुन्दडाको घरभित्र खानतलासी जारी राखेको छ । घरमा अवैध रकम फेला परे नपरेको विषयमा भने अझै यकिन भइसकेको छैन ।

मोरङ प्रहरीका अनुसार अनुसन्धानको प्रक्रिया जारी रहेको र खानतलासी सकिएपछि मात्रै बरामद भएका सामग्री वा रकमको बारेमा आधिकारिक जानकारी दिइने छ । ‘हामीले प्राप्त सूचनाका आधारमा अनुसन्धान अघि बढाएका हौँ, थप विवरण केही समयपछि सार्वजनिक गर्नेछौँ,’ प्रहरीले जनाएको छ । घटनाको थप विवरण आउन बाँकी छ ।

तपाइको प्रतिक्रिया
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
पटकाको बारुद चुलोमा हाल्दा जलेर सुनसरीका बालक घाइते
© 2024 Muluki Khabar. All Rights Reserved. Design & Develop By: Indesign Media Pvt. Ltd.