शिवालयमा भक्तजनको घुइँचो, बजारमा चहलपहल (फोटो फिचर)

साउन महिना भगवान शिवको प्रिय महिना मानिन्छ। यस महिनाको प्रत्येक सोमबारको विशेष महत्त्व छ। आज साउन महिनाको दोस्रो सोमबार, देशभरका शिवालयहरूमा बिहानैदेखि भक्तजनको घुइँचो लागेको छ।

विशेषगरी महिलाहरूले साउने सोमबारको व्रत बस्ने र शिव मन्दिरमा गई पूजा–आराधना गर्ने प्रचलन छ। साउनमा हरियो चुरा, पोते र मेहेन्दी लगाउनुको पनि आफ्नै धार्मिक र सांस्कृतिक महत्त्व छ। हरियो रङलाई प्रकृति, सुख र समृद्धिको प्रतीक मानिन्छ। विवाहित महिलाहरूले श्रीमान्को दीर्घायुको कामना गर्दै र अविवाहित युवतीहरूले सुयोग्य वरको कामना गर्दै यो व्रत बस्ने गर्छन्।

राजधानीको पशुपतिनाथ मन्दिरलगायत देशका विभिन्न भागमा रहेका शिव मन्दिरहरूमा आज बिहानैदेखि दर्शनार्थीहरूको लामो लाइन देखिएको छ। भक्तजनहरूले शिवलिङ्गमा जल, दूध, बेलपत्र र फूल चढाएर पूजाआजा गरिरहेका छन्। मन्दिर परिसर ‘ॐ नमः शिवाय’ र ‘बोलबम’को नाराले गुञ्जायमान भएको छ।

प्रस्तुत छ, साउने सोमबारको अवसरमा विभिन्न शिवालय र बजारमा देखिएको रौनक :