लागुऔषध दुरुपयोग : एकै वर्ष दर्ता भए साढे ५ हजारभन्दा बढी मुद्दा

काठमाडौं । देशका विभिन्न क्षेत्रमा लागुऔषधको दुरुपयोग र अवैध कारोबार बढ्दै जाँदा यससम्बन्धी अपराध र प्रहरी कारबाहीका घटनामा उल्लेख्य वृद्धि भएको छ।

प्रहरी प्रधान कार्यालयले सार्वजनिक गरेको पछिल्लो तथ्याङ्क अनुसार आर्थिक वर्ष २०८२/८३ मा लागुऔषध सम्बन्धी ५ हजार ७९१ वटा कसुर प्रहरी कार्यालयहरूमा दर्ता भएका छन्।

यो सङ्ख्या अघिल्लो आर्थिक वर्षको तुलनामा १ हजार ३९२ ले बढी हो। आर्थिक वर्ष २०८०/८१ मा लागुऔषध सम्बन्धी ४ हजार ३९९ कसुर दर्ता भएको प्रहरी प्रवक्ता डिआईजी अबिनारायण काफ्लेले बताए।

पछिल्ला वर्षहरूमा युवापुस्ता र किशोरकिशोरीहरू लागुऔषधको कुलतमा फस्ने क्रम तीव्र बनेको छ। लागुऔषध नियन्त्रण ब्युरोका अनुसार खुला सीमाना र आधुनिक प्रविधिको प्रयोग गर्दै गिरोहहरूले ओसारपसारको नयाँ शैली अपनाउँदा चुनौती थपिएको छ।

कारागारहरूमा समेत लागुऔषध मुद्दाका थुनुवा र कैदीको चाप बढ्दै गएकाले यसको रोकथामका लागि प्रहरीले विशेष अपरेसन र सचेतनामूलक अभियानलाई तीव्रता दिएको जनाएको छ।