मन्त्रीबारे छलफल नै सुरु भएको छैन, भ्रममा नपर्नुस्: राजेन्द्र राई

Share this
745shares
मुलुकी खबर
मुलुकी खबर
clock२०८३ साउन २५, सोमबार २०:२३

विराटनगर । नेपाली कम्युनिस्ट पार्टी (नेकपा) का कोशी प्रदेश इन्चार्ज राजेन्द्र राईले सरकारमा सहभागी हुने वा नहुने भन्ने विषयमा पार्टीभित्र अझै टुङ्गो नलागेको स्पष्ट पारेका छन्।

संसदीय दलका नेता इन्द्रबहादुर आङ्बो सरकारमा जाने/नजाने विषयमा विभिन्न चर्चा भइरहेका बेला राईले सामाजिक सञ्जालमार्फत वस्तुस्थिति स्पष्ट पारेका हुन्। उनले आङ्बोले अहिले मन्त्री हुने इच्छा वा दाबी नराखेको बताएका छन्।

राईले लेखेका छन्, ‘मा. इन्द्र आङ्बोले अहिले मन्त्री हुने इच्छा र दाबी राख्नुभएको छैन। म प्रदेश पार्टी इन्चार्ज र प्रदेशसभा सदस्य हुँ, लगातार सम्पर्कमै छौँ। उहाँको दाबी र इच्छा भए मैले थाहा नपाउने कुरै हुँदैन।’

उनका अनुसार आङ्बोको योग्यता र अनुभवका कारण केही साथीभाइले उनलाई सरकारमा जानु राम्रो हुने सुझाव दिएका थिए। सञ्चारमाध्यमहरूले सोध्दा आफूले आफू बाहेक सबैजना मन्त्रीका सम्भावित हुन् भनिदिएको उल्लेख गर्दै राईले मन्त्री को हुने भन्नेबारे छलफलसमेत सुरु नभएको बताएका छन्।

पार्टी सरकारमा सहभागी हुने/नहुने विषय नै टुङ्गो लाग्न बाँकी रहेकाले यसबारे अन्यथा नबुझ्न र भ्रममा नपर्नसमेत राईले आग्रह गरेका छन्।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.