२०८३ भाद्र २१, आइतबार २०:०८
काठमाडौं । नेपाल प्रिमियर लिग (एनपीएल) को टोली जनकपुर बोल्ट्सका मालिक उत्सव सिग्देलले टोली तथा ड्रिम स्पोर्ट्स प्रालिबाट अलग भएको घोषणा गरेका छन् ।
सामाजिक सञ्जालमार्फत जानकारी दिँदै सिग्देलले तत्काल लागू हुने गरी टोलीको सञ्चालन, व्यवस्थापन, प्रशासन र वित्तीय कारोबार लगायतका सम्पूर्ण जिम्मेवारीबाट आफू बाहिरिएको बताएका हुन् । अब जनकपुर बोल्ट्स वा ड्रिम स्पोर्ट्सको कुनै पनि निर्णय, सम्झौता वा दायित्वमा आफ्नो संलग्नता र जिम्मेवारी नरहने उनले स्पष्ट पारेका छन् ।
उनले आफ्नो नाम प्रयोग गरेर फ्रेन्चाइजको तर्फबाट कुनै पनि आधिकारिक सञ्चार वा कारोबार नगर्न समेत सम्बन्धित पक्षलाई आग्रह गरेका छन् । टोलीबाट अलग भए पनि नेपाली खेलकुदको विकासमा आफ्नो योगदान भने निरन्तर रहने उनले उल्लेख गरे ।
एनपीएलको तेस्रो सिजन सुरु हुन करिब ५० दिन बाँकी रहँदा सिग्देलको यो घोषणा आएको हो । पहिलो सिजनको विजेता जनकपुरले यस पटक अमेरिकाका हरमित सिंहलाई कप्तानको जिम्मेवारी दिएको छ भने जिम्मी निशमलाई टोलीमा पुनः अनुबन्ध गरेको छ। एनपीएलको पहिलो संस्करणको विजेता जनकपुर बोल्ट्स दोस्रो सिजनमा भने आठौँ स्थानमा सीमित भएको थियो ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×