सहिदले चाहेजस्तो सुशासन अझै आएनः हर्क साम्पाङ

Share this
800shares
मुलुकी खबर
मुलुकी खबर
clock२०८३ भदौ २३, मंगलबार ०९:२४

धरान । श्रम संस्कृति पार्टीका अध्यक्ष हर्क साम्पाङले सहिदहरूले परिकल्पना गरे अनुसारको सुशासन देशमा अझै आउन नसकेको बताएका छन् ।

जेनजी सहिद दिवसको अवसरमा सामाजिक सञ्जालमार्फत शुभकामना र श्रद्धाञ्जली व्यक्त गर्दै अध्यक्ष साम्पाङले यस्तो धारणा राखेका हुन् । जेनजी आन्दोलनको एक वर्ष पुगेको सन्दर्भमा उनले आन्दोलनमा ज्यानको आहूति दिने सहिदहरूप्रति उच्च सम्मान प्रकट गरेका छन् ।

‘आज जेनजी आन्दोलनको एक वर्ष पुगेको दिन । धेरै जना जेनजीले ज्यानको आहूति दिएको दिन । ती सम्पूर्ण महान जेनजी सहिदहरूलाई हार्दिक श्रद्धाञ्जली अर्पण गर्दछु,’ उनले लेखेका छन्, ‘सहिदले चाहे जस्तो सरकार बनेको होला तर सहिदले चाहे जस्तो सुशासन अझै आएको छैन ।’

साम्पाङले देशको माटो र स्वाधीनता बचाउनका लागि भएको उक्त आन्दोलनको मर्म र उद्देश्य एक दिन अवश्य पूरा हुने विश्वास समेत दिलाएका छन् । उनले सहिदहरुको बलिदानलाई स्मरण गर्दै उनीहरूको सपना पूरा गर्न सुशासन अपरिहार्य रहेकोमा जोड दिएका छन् ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.