इन्द्रसरोवरमा इभी गाडी दुर्घटना: ४ जनाको मृत्यु, ४ घाइते

Share this
736shares
मुलुकी खबर
मुलुकी खबर
clock२०८३ भदौ ३०, मंगलबार १७:२५
इन्द्रसरोवरमा इभी गाडी दुर्घटना: ४ जनाको मृत्यु, ४ घाइते

काठमाडौं । मकवानपुरको इन्द्रसरोवर गाउँपालिका–२, महालक्ष्मी खोला नजिकै आज (मंगलबार) विद्युतीय गाडी दुर्घटना हुँदा ४ जनाको घटनास्थलमै मृत्यु भएको छ ।

काठमाडौंबाट हेटौँडातर्फ जाँदै गरेको मधेस प्रदेश ०३–००१ ज ०७२० नम्बरको इभी गाडी अनियन्त्रित भई दुर्घटना भएको जिल्ला प्रहरी कार्यालय मकवानपुरले जनाएको छ । गाडीमा ६ पुरुष र २ महिला गरी कुल ८ जना सवार थिए ।

दुर्घटनामा गम्भीर घाइते भएका अन्य ४ जनामध्ये ३ जनालाई थप उपचारका लागि काठमाडौं ल्याइएको छ भने १ जनालाई हेटौँडा अस्पताल लगिएको छ ।

जिल्ला प्रहरी कार्यालय मकवानपुरका प्रवक्ता प्रहरी नायब उपरीक्षक माधव काफ्लेका अनुसार दुर्घटना स्थलमा प्रहरी र ट्राफिक टोली परिचालन गरी उद्धार कार्य सम्पन्न गरिएको छ । मृतक तथा घाइतेहरूको पहिचान खुलाउने प्रयास भइरहेको प्रहरीले जनाएको छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.