हिमपहिरोपछि १० जना सम्पर्कविहीन

मनाङ । पश्चिम नेपालको हिम्लुङ हिमाल आधार शिविरमा आज (आइतबार) बिहान ठूलो हिमपहिरो गएको छ। लगातारको वर्षा र भारी हिमपातपछि गएको हिमपहिरोले आधार शिविरका टेन्टहरू पुरिएका छन् भने कम्तीमा १० जना सम्पर्कविहीन भएका छन्।

अभियान आयोजकहरूका अनुसार हिमपहिरोले आधार शिविरका टेन्टहरू बगाएपछि हिमालयन होलिडेज नेपालका कम्तीमा आठ जना आरोही तथा सहयोगी कर्मचारी र इम्याजिन नेपाल ट्रेक्सका दुई जना किचन कर्मचारीसँग सम्पर्क हुन सकेको छैन।

Advertisement

एक्सपेडिसन अपरेटर्स एसोसिएसन नेपालका अनुसार क्षेत्रमा सञ्चालनमा रहेका अन्य कम्पनीका अधिकांश सदस्य तथा कर्मचारीहरू भने मौसमसम्बन्धी चेतावनीपछि यसअघि नै सुरक्षित रूपमा तल्लो क्षेत्रमा झरिसकेका थिए।